Noticias

Música, pasarrúas, animación infantil e moitos agasallos conforman a programación de "Prima 24", a festa do comercio local que se desenvolverá ao longo do venres 14 e do sábado 15 de xuño en diferentes barrios da cidade. A alcaldesa de Santiago, Goretti Sanmartín, e a concelleira Promoción Económica, María Rozas, farán este venres un percorrido para coñecer de primeira man as propostas comerciais e lúdicas que ofrece esta cita consolidada da cidade, nun paseo que arrancará da...

A concelleira de Educación, Míriam Louzao, presidiu este xoves a constitución do Consello municipal de Educación, 13 anos despois da última xuntanza deste órgano que agora a titular da carteira educativa do goberno que lidera Goretti Sanmartín reactiva. A constitución do consello municipal é froito dun "traballo intenso" desde o departamento de educación para dar pulo a unha ferramenta "fundamental para tratar colectivamente a situación educativa no noso concello".

A alcaldesa de Santiago e vicepresidenta do Grupo salientou a singularidade das 15 cidades que representadas, asegurando que "en conxunto ofrecen un percorrido único e extraordinario a través da historia, da arte, do territorio, do coñecemento e da diversidade cultural e lingüística". A presentación tivo lugar na cidade de Zúrich, da man de Paradores e Turespaña, ante máis dun centenar de profesionais, incluídas axencias de viaxes, empresas do sector de reunións e congresos e medios especializados

A praza do Obradoiro acolleu este mediodía un minuto de silencio polas dúas mulleres asasinadas o pasado 7 de xuño en Barcelona e en Valencia, vítimas de violencia de xénero.

Medio cento de marcas galegas de moda, xoiaría, cerámica, cestería, decoración ou mesmo alimentación participarán o próximo domingo en "Sabor a novo", un evento que se celebrará no Pazo de San Lourenzo e no que tamén haberá música en directo, obradoiros de creación artesanal, e unha ampla oferta gastronómica. O obxectivo é "poñer en valor a produción e a artesanía galega e o comercio de proximidade, cunha actividade que quere ser tamén lúdica para...

A exposición con traballos de artistas da BD e o fanzine galego como Maru Astray, Julia Lago, Bea Lema, Uxía Larrosa, Xulia Pisón e Pepa Prieto Puy conclúe este domingo, día 16 de xuño. Situada na Sala Isaac Díaz Pardo do Auditorio de Galicia, pode ser visitada de balde todos os días da semana, de 10 a 14 horas e de 16 a 20 horas.

Todas as persoas que queiran organizar cacharelas e/ou sardiñadas pola noite de San Xoán, tanto en terreos de propiedade privada como pública, poderán solicitar os permisos correspondentes ata as 23:59 horas do vindeiro 20 de xuño.

A Rede de Centros Socioculturais prepárase para uns meses moi intensos, con ducias de actividades no programa "Vive o verán". Música en directo, exposicións, actividades deportivas ou roteiros, fan parte dunha proposta na que se prevé a participación de máis de 3.000 persoas, "pensada para chegar a públicos moi diversos, e que ten como obxectivo que os veciños e veciñas desfruten do verán redescubrindo o seu municipio, con actividades de lecer, educativas, e que fomentan as relacións sociais e o...

Baldur Brönimann dirixirá á orquestra nun concerto que achegará as chaves da temporada 2024-2025.

O CSC José Saramago de Vite acollerá este mércores 12 e xoves 13 de xuño, varias actividades arredor do escritor portugués José Saramago para conmemorar os 25 anos de vida da rede municipal de bibliotecas que leva o seu nome. O concelleiro de Centros Socioculturais, Xan Duro, e varios membros da Corporación municipal, asistirán mañá pola tarde á inauguración da exposición "Voltar aos passos que foram dados". O programa tamén ofrecerá un relatorio e unha proxección dun...