Noticias

A concelleira de Igualdade, Desenvolvemento Económico e Turismo, Marta Lois, presidiu esta mañá no Auditorio de Galicia a sesión ordinaria do Consello Municipal de Turismo, órgano participativo que reúne a representantes da Administración, o sector turístico e diversas entidades da cidade para o diálogo, a participación e o asesoramento da toma de decisións da política turística municipal.

A praza do Obradoiro acolleu este mediodía un minuto de silencio para condenar o asasinato da muller cuxo corpo foi atopado este luns en El Campillo (Huelva).

Á volta do Nadal botarán a andar importantes actuacións que lle afectan a diferentes ámbitos da cidade, e que suporán un investimento total de máis de 800.000 euros. O concelleiro de Medio Rural, Mantemento e Obras para o Equilibrio Territorial deu conta hoxe das obras que arrancarán co novo ano, ao tempo que fixo balance do estado de diferentes proxectos que se puxeron en marcha nos últimos meses.

O proxecto Mutacións Urbanas, que se desenvolve por segundo ano grazas ao apoio do Concello de Santiago e da Deputación da Coruña, iniciará mañá as súas accións de rúa abertas ao público en xeral. A acción impulsada por 7H Cooperativa Cultural entra así nunha nova fase, despois de varias semanas traballando con diferentes colectivos sociais en laboratorios de creación pechados.

O alcalde de Santiago expresou hoxe o agradecemento do Concello ao Ministerio para a Transición Ecolóxica, que na reunión celebrada esta tarde en Madrid reiterou a súa aposta por construír a nova depuradora nos terreos que ocupa a actual EDAR da Silvouta, seguindo a proposta do Goberno compostelán. O Ministerio coincide co Concello en que esta é a mellor opción "porque ten un menor impacto ambiental e un menor custo económico que o proxecto do Souto". Ademais, as dúas administracións entenden que a...

O Centro Don Bosco, a Asociación de Deportistas Veteranos de Santiago e o Santiago Futsal poñen en marcha o XII Torno Solidario de Nadal "Operación Quilo", co obxectivo este ano de recadar fondos para o Proxecto Suriya, de axuda a mozos e mozas dos centros xuvenís de Siria, promovido pola Federación de Centros Xuvenís Don Bosco de Galicia e a Confederación de Centros Xuvenís Don Bosco de España. Tamén se recadarán alimentos para as familias de Santiago.

A Sala Malatesta acolleu a festa de entrega de premios da undécima edición de Santiago(é)tapas, concurso de tapas compostelás organizado conxuntamente por Turismo de Santiago e a Asociación Hostalería Compostela.

As empresas Leite Noso e Construcións Alvite González e o que fora vicepresidente da Cámara de Comercio Evaristo Rodríguez Carracedo recibiron na noite deste luns os Premios Manuel Beiras, na súa XIX edición. Previamente, pola mañá, os nomes das empresas e persoas galardoadas foran anunciadas en rolda de prensa o alcalde, Martiño Noriega, e o vogal da Cámara de Comercio, Xavier Freire.

O proxecto da obra de ampliación do Museo do Pobo Galego, que dirixirá o Consorcio de Santiago, presentouse esta mañá na Biblioteca Baltar do propio Museo. No acto, ao que asistiron membros do Consello de Administración do Consorcio, interviron representantes das tres Administracións consorciadas: Pilar Paneque, subsecretaria do Ministerio de Facenda; o conselleiro de Cultura e Turismo da Xunta de Galicia, Román Rodríguez; o alcalde de Santiago e presidente do Consorcio da cidade, Martiño Noriega; xunto ao presidente do Padroado...

Tras a gran final, con 10 tapas finalistas, celebrada do 7 ao 9 de decembro, mañá martes serán desvelados os premios da undécima edición do certame Santiago(é)tapas, nunha festa que terá lugar na Sala Malatesta ás 20:30 horas.