Noticias

A concelleira de Deporte, Noa Morales, deu conta esta mañá de todos os detalles da segunda Festa do Deporte, que se celebrará en varias localizacións de Compostela o venres 28, de 10:30 a 14:00 horas e de 17:30 a 20:30 horas, e o sábado 29, de 10:30 a 14:30 horas. Na rolda estivo acompañada polo piloto de rallys, Luis Penido e por Alba Torres, xogadora do Victoria FC.

A concelleira de Igualdade, Desenvolvemento Económico e Turismo, Marta Lois, presentou hoxe unha nova proposta de lecer e gastronomía que terá lugar de xoves a domingo no paseo central da Alameda. Na rolda estivo acompañada do director de Radio Galicia, Mario Moreno, e de Iago Sánchez, director de eventos de Elemental Street.

Os edís de Educación e de Acción Cultural, Manuel Dios e Branca Novoneyra, deron conta hoxe de varias accións que se desenvolverán nas vindeiras semanas en torno ao coñecemento das embarcacións tradicionais galegas. Na rolda tamén estiveron Manuel García Sendón, presidente de Culturmar, e Pablo Carrera López, director da mostra.

O alcalde de Santiago recibiu hoxe a unha delegación da localidade xaponesa de Tanabe, encabezada polo seu alcalde, Mitsutoshi Manago. Os dous comprometéronse a reforzar a colaboración institucional, de cara á promoción conxunta do Camiño de Santiago e o Kumano Kodo. Dende febreiro de 2015, os/as peregrinos/as que percorren os dous itinerarios reciben o chamado Pasaporte Dual, que xa conseguiron case 1.500 persoas.

Curtocircuíto - Festival Internacional de Cine cumpre este 2018 quince anos, e faino mantendo o seu espírito explorador sen esquecerse das ben merecidas celebracións. Deste xeito, mantense a procura de novas formas e linguaxes cinematográficas no cinema mundial ao tempo que a programación inclúe seccións que xuntan o espírito vangardista co festivo e enfatizan o vínculo do festival coa cidade.

Por terceiro ano consecutivo celebrouse en Santiago o Día da Accesibilidade, no marco das actividades da Semana Europea da Mobilidade. Levouse a cabo unha actividade chamada "Ponte no meu lugar", un roteiro en cadeira de rodas organizado por Cogami e o Concello de Santiago para amosar as dificultades coas que se atopan a diario as persoas con mobilidade reducida.

A praza do Obradoiro acolleu un minuto de silencio para condenar o último asasinato machista, que deixou este sábado unha vítima en Úbeda (Jaén).

Baixo o lema "unha cultura con superpoderes", a praza de Cervantes acolle, por segundo ano, o Festival Rosalía, organizado pola Deputación da Coruña e o Concello de Santiago. A concelleira de Igualdade, Marta Lois, e a vicepresidenta da Deputación da Coruña, Goretti Sanmartín, deron conta hoxe dos detalles do Festival, que se celebra este sábado de 11:00 a 21:00 horas.

A IV Gala do Libro Galego volverase celebrar en Compostela en 2019, grazas á colaboración do Concello. O alcalde, Martiño Noriega, comprometeu o apoio institucional á iniciativa, que "por cuarto ano consecutivo xuntará os esforzos de todo o sector do libro nun evento único".

Agadea Alzhéimer realizou este sábado no Mercado de Abastos un acto de sensibilización co que achegou información ás persoas que se acercaron ata a mesa informativa da entidade. Alí, a presidente de Agadea, Isabel Gey, e a concelleira de Políticas Sociais, Concha Fernández, repartiron mandilóns e bolsas da compra reivindicativas sobre o Alzheimer.