CULTURA
O segundo Obradoiro do Espectador achega as novas linguaxes escénicas aos cidadáns
Tres espectáculos de teatro contemporáneo achegarán en outono aos usuarios dos centros socioculturais e a todos os cidadáns e cidadás interesados ás novas linguaxes escénicas.
PROMOCIÓN ECONÓMICA
A nova edición da Xornada "Emprende en Compostela" toma como referencia a actual situación económica
O concelleiro de Promoción Económica, Emprego, Comercio e Turismo, Xosé Manuel Iglesias, presentou a IV Xornada Emprende en Compostela, que se celebrará o 27 de outubro no Pazo de Exposicións e Congresos de Galicia. O obxectivo da xornada, enmarcada no programa Compostela Activa, que depende do Servizo de Apoio á Empresa, é fomentar a cultura emprendedora mediante un encontro no que participan distintas organizacións vinculadas ao emprendemento e ao desenvolvemento do emprego en Santiago.
MEDIO AMBIENTE
Medio Ambiente colabora na actividade de limpeza do Sar "Tes unhas botas na casa?"
A Concellaría do Medio Ambiente de Santiago apoia e colabora na campaña de sensibilización sobre a importancia de non utilizar os ríos como depósito de residuos que está a artellar a Asociación para a Defensa Ecolóxica de Galiza (Adega) por todo o país. Dende o Departamento realízase unha limpeza periódica dos ríos Sar e Sarela a través da empresa concesionaria do tratamento e xestión das augas de Compostela Aquagest.
PARTICIPACIÓN CIDADÁ
A Casa das Asociacións acolleu a primeira xornada sobre mediación asociativa
A Casa das Asociacións de Cornes albergou a Primeira xornada de encontro con líderes asociativos composteláns para a mediación na resolución de conflitos comunitarios, que contou coa presenza de Raquel Castillejo, profesora de dereito procesual da USC. Esta xornada enmárcase nas actividades programadas pola Concellería de Participación Cidadá, que dirixe Guadalupe Rodríguez.
FACENDA
A Conta Xeral do 2008 deixa un superávit de 4,8 millóns de euros
O resultado orzamentario do exercicio 2008 deixou un saldo positivo de 4,78 millóns de euros, unha vez axustado tras as correspondentes desviacións de financiamento, tanto positivas como negativas. Ademais, xerouse un remanente de tesourería postivo por importe de 693.777 euros.
ALCALDÍA
As Brañas de Sar albergarán no ano 2013 o Centro de Ciencias do Patrimonio Cultural do CSIC
O alcalde compostelán e presidente do Consorcio de Santiago, Xosé A. Sánchez Bugallo, e o presidente do Consejo Superior de Investigaciones Científicas (CSIC), Rafael Rodrigo, asinaron un convenio para a construción nas Brañas do Sar do Centro de Ciencias do Patrimonio Cultural do CSIC, un centro de referencia nacional no ámbito da investigación do patrimonio histórico e da paisaxe cultural.
BENESTAR SOCIAL
As expresións culturais dos colectivos inmigrantes da cidade fanse visibles no I Festival Folclórico Intercultural
Presentouse en rolda de prensa o I Festival Folclórico Intercultural Santiago de Compostela 2009, que terá lugar o domingo 27 de setembro no Paseo Central da Alameda. Coa colaboración do Concello e da Deputación da Coruña, as asociacións de inmigrantes da cidade organizan por primeira vez este evento, dirixido a facer visibles os colectivos inmigrantes e promover o encontro entre culturas.
CULTURA
"O Apóstolo" celebrará a súa estrea mundial no 2010 en Compostela
O filme de produción galega O Apóstolo, primeira película europea de animación en stop-motion que se estreará en estereoscópico, será presentada ao público mundial en Santiago o 17 de xullo do ano 2010. Días despois estrearase nas salas de cinema de todo o mundo. A data escollida para a súa presentación nos cinemas non é outra que o da festividade de Santiago do 2010. A Concellería de Cultura e máis a produtora da película ofreceron aos medios os detalles do evento.
PLENO
O Pleno insta á Xunta a manter a política de captación de liñas de baixo custo e de promoción turística da cidade
O Pleno municipal instou á xunta á Xunta de Galicia a manter o modelo de captación de liñas de baixo custe e de promoción turística da cidade. Na mesma sesión tamén se aprobaron os festivos locais para o ano 2010.
PLENO
Aprobado o reaxuste global do Urbana Santiago Norte
No Pleno municipal aprobouse o reaxuste global de accións e orzamento do proxecto Urbana Santiago Norte, co obxecto de adaptalo ao orzamento final concedido, inferior ao formulado na candidatura. O orzamento final é de 11.433.590 euros, dos que o FEDER achega 8.003.513 e o Concello 3.430.077.