ALCALDÍA
O alcalde salienta a "visibilidade mundial" que supuxo para o Camiño a súa declaración como Patrimonio da Humanidade
O alcalde compostelán, Ángel Currás, asistiu no Monte do Gozo ao acto de conmemoración do XX aniversario da declaración do Camiño de Santiago como Patrimonio da Humanidade. Na cerimonia, presidida polo titular da Xunta, Alberto Núñez Feijóo, e que contou coa presenza dos rexedores dos municipios polos que transcorre a ruta xacobea, descubriuse unha placa conmemorativa.
COMERCIO
O Concello convida a #nadalar a composteláns e visitantes durante estas festas
Un ano máis, o Concello de Santiago deseñou un amplo programa de actividades para que tanto os habitantes coma os visitantes de Compostela gocen das vindeiras festas de Nadal. A concelleira de Comercio, Reyes Leis, presentou as actividades que, baixo o concepto #nadalamos, convidan a grandes e pequenos a vivir o Nadal na cidade, pero tamén a ilusionarse, compartir, felicitar, agasallar e sorprender. Todo iso e máis é #nadalar.
SEGURIDADE CIDADÁ
O concelleiro de Seguridade Cidadá participou nos actos con motivo da festividade da patroa do Exército do Aire
O concelleiro de Seguridade Cidadá, Luis Bello, asistiu en Lavacolla aos actos con motivo da festividade da Virxe de Loreto, patroa do Exército do Aire.
CULTURA
O cine español e a charla sobre o non-guión marcan a terceira xornada de Curtocircuíto
Curtocircuíto, festival organizado polo Concello de Santiago, co-financiado pola Deputación da Coruña e coa colaboración de diversas entidades, inicia este mércores en Santiago de Compostela a súa terceira xornada, inaugurando a actividade Cafés con CREA (Asociación de Directores e Realizadores de Galicia) ás 16:30 horas no CGAC.
RELACIÓNS VECIÑAIS
Xornada de votación para elixir os membros do Consello de Relacións Veciñais
A Casa das Asociacións de Cornes acolleu a xornada de votacións para as eleccións de representantes veciñais ao Consello de Relación Veciñais, tal e como se recolle no calendario electoral.
TURISMO
Entregados os premios de Santiago(é)Tapas
A concelleira de Turismo, Reyes Leis, participou na entrega de premios da VI edición do certame Santiago(é)Tapas, celebrado entre o 7 e o 24 de novembro e no que se serviron máis de 37.000 petiscos. Os seis galardóns foron repartidos nunha gala celebrada no Centro de Formación e Cultura Gastronómica de Hostelería Compostela.
ALCALDÍA
Homenaxe a Roberto Nóvoa Santos no 80º aniversario do seu falecemento
O médico e pensador Roberto Nóvoa Santos (A Coruña, 6 de xullo de 1885 – Santiago de Compostela, 9 de decembro de 1933), foi homenaxeado con motivo do 80º aniversario do seu falecemento. O acto celebrouse ao pé da súa tumba no cemiterio de Boisaca.
TURISMO
Turismo de Santiago lanza un concurso nas redes sociais para reforzar a imaxe do destino en temporada baixa
A concelleira de Turismo, Reyes Leis, presentou a campaña promocional de inverno de Turismo de Santiago de Compostela, que comeza o martes 10 de decembro. Foi deseñada para reforzar a imaxe do destino, as visitas nacionais en temporada baixa e a visibilidade da cidade nas redes sociais.
CONSORCIO
O Consorcio de Santiago aproba un orzamento de 9,7 millóns de euros para 2014
O Consorcio de Santiago celebrou Comisión Executiva e Consello de Administración, ambas presididas polo alcalde e presidente do Consorcio, Ángel Currás. Entre os temas abordados na orde do día, o principal foi a aprobación do orzamento do organismo para o ano 2014, que ascende a 9.717.471,05 euros. A aportación da Administración Xeral do Estado é de 4.795.150 €, o Concello de Santiago achega 1.361.295,28 € e a Xunta de Galicia 3.284.413 €.
FESTAS
Acendido o alumeado de Nadal tamén nas parroquias e en 12 barrios
Todo o alumeado de Nadal xa está acendido. Tras poñerse en marcha o 6 de decembro no Casco Histórico e no Ensanche, durante esta fin de semana tamén quedou lista a iluminación dos barrios e parroquias.