Noticias

O arcebispo compostelán, Julián Barrio, abriu grazas a tres simbólicos golpes co seu martelo de prata a Porta Santa, dando así comezo o Ano Xacobeo 2010. Nese momento, máis de 1.000 campás da diócese repicaron ao tempo uníndose á celebración. O alcalde compostelán, Xosé A. Sánchez Bugallo, e boa parte da Corporación, asistiron á cerimonia.

Todo Lírica 2009 propón unha das súas achegas máis singulares no cuarto concerto. Da man do arpista compostelán Manuel Vilas e o seu grupo Ars Atlántica, o festival acolle un orixinal programa de tonadas e danzas de zarzuelas do século XVII.

O presidente da Xunta, Alberto Núñez Feijóo realizou a tradicional Ofrenda Nacional ao Apóstolo Santiago coa que se conmemora a translación dos seus restos. O delegado rexio apelou na súa invocación ao papel do Apóstolo e de Santiago, como símbolos comúns de Galicia. Ademais, pediu ao Santo a súa protección para os miles de peregrinos que acudirán a Santiago en 2010, con motivo do Ano Santo.

O Pleno municipal aprobou por unanimidade a ampliación de usos de dúas parcelas, que permitirá dúas novas infraestruturas na área norte da cidade, no marco do proxecto Urbana Santiago Norte. Trátase das futura escola infantil de Salgueiriños e dun centro cívico no Avío.

"Un espectáculo de circo poboado de máquinas e de buscas sobre o movemento, sen feras nin animais, destinado a todo tipo de público maior de 10 anos". Así describiu a concelleira de Cultura e Centros Socioculturais, Socorro García Conde, o espectáculo de Cirque Ici, unha das propostas máis singulares da programación cultural de Santiago de Compostela para abrir o ano.

A Xunta de Goberno municipal aprobou, entre outros asuntos, a adxudicación definitiva das obras de reurbanización do campo e costa do Cruceiro do Gaio e da rúa San Clemente, no segundo tramo da rúa Raxoi. Tamén se elevou a definitiva a adxudicación do servizo de actualización do Catastro.

A Concellería de Festas preparou un animado programa para celebrar o fin do ano 2009 e dar a benvida ao 2010. Haberá reparto de bolsas de cotillón na Quintana -dende onde se poderán escoltar as badaladas da Berenguela-, fogos de artificio e un multitudinario baile na praza do Obradoiro.

Continúan os concertos de Todo Lírica 2009, novena edición do ciclo de concertos anteriormente coñecido como Festival de Zarzuela de Santiago, que organizan a Concellaría e a Asociación Galega da Lírica. E no terceiro dos concertos, que será o mércores 30, chega o momento da zarzuela.

Chega ás librerías unha guía nova de Compostela que se ocupa dun aspecto do que se ten pouco publicado ata hoxe, pese a que a capital de Galicia é unha das cidades con máis metros cadrados de parques e xardíns por habitante de toda a Península Ibérica. Trátase da Guía verde de Santiago, unha obra publicada por Alvarellos Editora e o Museo de Historia Natural da USC e que conta coa colaboración da Concellaría do Medio Ambiente e Desenvolvemento Sustentable. Foi presentada no Concello, nun acto no que...

A Oficina Municipal de Información ao Consumidor (OMIC), en colaboración co Instituto Galego de Consumo, editou unha guía de Xoguete Seguro e Consumo Responsable. Nesa publicación recóllense unha serie de indicacións para aconsellar aos pais e nais á hora de mercar os agasallos nestas datas do Nadal. Repartíronse 5.000 exemplares desta guía nos fogares composteláns.