Noticias

O segundo tenente de alcalde e concelleiro de Espazos Cidadáns, Dereito á Vivenda, Mobilidade e Relacións Veciñais, Jorge Duarte, asistiu este luns en Madrid, na sede da Secretaría de Estado de Cultura, á reunión da Comisión de Patrimonio do Grupo de Cidades Patrimonio da Humanidade de España.

A Xunta de Goberno acordou este venres requirir a Viaqua e a Augas de Galicia que acometan obras de mellora nalgúns dos considerados puntos negros en caso de inundacións. Ao tempo, o Executivo local instará á Urbaser, a empresa concesionaria da recollida do lixo, a implantar novos modelos de actuación no Polígono do Tambre, e recomendaralle á Asociación Empresarial do Tambre que adopte medidas para a xestión controlada das embalaxes.

A concelleira de Políticas Sociais, Diversidade, Saúde e Centros Cívicos, Concha Fernández, presentou o II Festival Intercultural, que se celebrará este domingo 10 de setembro, a partir da 13:00 horas, na Alameda. Xunto coa concelleira estiveron na rolda de prensa o presidente da Plataforma polo Emprego, Miguel Fernández e a representante do Colectivo Paraguay, Nidia Aquino.

O alcalde de Santiago, Martiño Noriega, entregou a partitura musical do poema de Manuel María "O Carro", a Baldomero Iglesias, "Mero", primeira persoa en poñerlle música a esta composición do poeta chairego. No acto estiveron representantes tanto dos grupos municipais como do mundo da cultura.

As compañías compostelás de danza Can Cun Quinqué, Cisma e La Incidente DT poñen en marcha a segunda edición do festival herDanza, unha iniciativa que desenvolven coa colaboración do Concello de Santiago, o Auditorio de Galicia, a USC e o Museo do Pobo Galego, e na que contan co apoio doutros axentes culturais da cidade, como Numax e a SaLa Montiel.

A Xunta de Goberno aprobou este venres as bases e o procedemento para a selección das persoas participantes no Plan Xuvenil de Integración Profesional Mocidade con Emprego. Trátase dun programa que se vai desenvolver no período 2017-2020, e que ten como obxectivo mellorar a empregabilidade da mocidade de Santiago, a través da creación de itinerarios formativos profesionais.

O alcalde de Santiago, Martiño Noriega, recibiu este xoves o embaixador de Malta, Mark Antoni Micallef.

As máis de cen actividades incluídas no programa Vive o verán, tiveron unha alta participación dos composteláns e compostelás e das persoas que visitaron a cidade. Vive o verán ofreceu un amplo abano de posibilidades que ían dende as proxeccións ao aire libre ao teatro para pequenos e adultos, incluíndo tamén rutas e exposicións temáticas, algunhas das cales aínda continúan neste mes de setembro.

O Concello de Santiago de Compostela porá en marcha o 11 de setembro de 2017 o servizo de comedores e madrugadores nos seguintes centros de ensino públicos: Apostólo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (Lavacolla), Monte dos Postes, Raíña Fabiola, Ramón Cabanillas e, no caso do CEIP Arquitecto Casas Novoa, só o servizo de madrugadores. As familias xa inscribiron a uns 900 nenos e nenas que farán uso destes servizos.

A circulación pola avenida de Xoán XXIII no tramo que vai dende o Burgo das Nacións ata Entrerríos estará permitida a partir do próximo luns para os vehículos que teñan o seu destino nestas dúas rúas, e seguirá estando prohibida para os demais condutores e condutoras. Así o anunciou o concelleiro de Espazos Cidadáns, Dereito á Vivenda e Mobilidade. Jorge Duarte explicou que a intención do Goberno local "é seguir testando como funcionan estas modificacións, co obxectivo...