Noticias

A Escola de Altos Estudos Musicais (EAEM), en Santiago de Compostela, préstalle unha especial atención á formación musical dos máis pequenos. Así, o centro pon en marcha unha nova edición do curso de corda para nenos, centrado nesta ocasión nas especialidades de violín e violoncello. As clases comezarán en novembro e prolongarase ata o mes de maio de 2017. A inscrición remata o 4 de novembro.

A praza do Obradoiro acolleu unha concentración para condenar o último asasinato machista, que deixou unha vítima este domingo na localidade de Olivares (Sevilla).

As concelleiras de Igualdade e de Mocidade, Marta Lois e Noa Morales, respectivamente, presentaron esta mañá os obradoiros de igualdade Recicla o xénero, que teñen como obxectivo abordar a loita contra as violencias machistas e a procura da igualdade entre os mozos e mozas de Compostela. Desenvolveranse entre os meses de outubro e novembro de 2016 e entre abril e maio de 2017. Na rolda estiveron acompañadas de María Traveso, de Promove.

O concelleiro de Medio Ambiente e Convivencia, Xan Duro, e a oficial da Policía Local Diana Parente presentaron esta mañá a Memoria Anual de Actividades de Educación Viaria do corpo municipal. O balance refírese ao curso 2015-2016, no que a Policía Local chegou a 2.158 persoas a través de accións teóricas e prácticas nos centros escolares, charlas en colexios de educación especial, e outras actividades.

O Palacio de Congresos e Exposicións acollerá entre o 20 e o 22 de outubro o LVIII Congreso Nacional da Sociedade Española de Hematoloxía e Hemoterapia e o XXXII Congreso Nacional da Sociedade Española de Trombose e Hemostasia. Con motivo destes eventos, haberá dúas acción abertas ao público: unha carpa na praza Roxa cun espazo para doazón de sangue e un espazo infantil, e unha marcha solidaria.

O alcalde de Santiago asistiu ao acto académico de celebración de San Lucas, patrón da Facultade de Medicina. No mesmo, Martiño Noriega defendeu "a importancia da Facultade de Medicina para Santiago dende o punto de vista histórico, simbólico e mesmo económico". Ademais, fixo súas as demandas do decano Juan Gestal relacionadas co déficit de profesorado e instou a todas as institucións implicadas a poñer todo da súa parte para ter a mellor Facultade posible.

A Xunta de Goberno aprobou hoxe os convenios de colaboración entre o Concello de Santiago e as asociacións culturais Cidade Vella e Tempo con Xeito para o último trimestre do ano. O alcalde, Martiño Noriega, lembrou que estes acordos son "o marco de cooperación cos locais de hostalería, para que poidan desenvolver actividades de dinamización, sempre co compromiso de colaborar activamente co Concello para evitar molestias á veciñanza".

O Concello de Santiago quere apostar polo Samaín tradicional. Por iso, os concelleiros de Educación e de Comercio, Manuel Dios e Marta Lois, respectivamente, veñen de presentar o programa municipal para conmemorar estas festas. Na rolda estiveron acompañados de Rafael López Loureiro, mestre e impulsor do Samaín en Galicia.

O vindeiro día 27 de outubro, no Salón de Actos da Facultade de Filosofía da Universidade de Santiago de Compostela (praza de Mazarelos, s/n), terá lugar a I Xornada sobre a situación das persoas sen fogar en Compostela, organizada conxuntamente pola Concellaría de Políticas Sociais, Diversidade e Saúde e a Mesa de Traballo para o estudo da situación das persoas sen teito – transeúntes e dos recursos en Santiago de Compostela.

A concelleira de Economía e Facenda, María Rozas, presentou hoxe o novo portal de orzamentos do Concello, que leva por nome Orzamento Aberto e ao que se pode acceder a través da dirección orzamentoaberto.santiagodecompostela.gal. O novo portal ofrece o estado do orzamento municipal e actualizarase cada tres meses, amosando o estado de execución do orzamento.