Noticias

A primeira xornada dominical das festas do Apóstolo 2015 estará protagonizada pola Festa do Escalo en Chaián, na que se celebrará o XLI Concurso de Ciprínidos, unha tradición xa arraigada nestas datas. Ademais, teremos concerto da Banda Municipal de Música acompañada do Coro Liceo de Vilagarcía e, dentro do Artellando, sesión vermú con Murga Chef Herrera y sus muchachos, un concerto performance con Viriscrón e a actuación de Fado Violado.

Unha das citas tradicionais das festas do Apóstolo, a Xornada de Folclore Galego, volveu reunir a numeroso público na praza da Quintana para ver as actuacións dos grupos tradicionais máis recoñecidos da cidade.

Durante esta semana, un grupo de rapaces e rapazas de 14 a 18 anos participan en Portonovo no Surf Camp, unha das propostas de lecer e aventura organizada pola Concellaría de Mocidade dentro do seu programa Verán Activo 2015. Na semana anterior, outro grupo de rapaces participaron nun campamento en Teverga (Asturias) e, o martes 21 de xullo, celebrarase unha xornada multiaventura en Carcacía.

O alcalde de Santiago, Martiño Noriega e varios concelleiros do Goberno local reuníronse en Raxoi co Foro Cívico Empresarial. Na xuntanza, abordouse a posición das institucións representadas sobre a intermodal.

A Xunta de Goberno adxudicou o servizo de reparación de parques infantís para obter a certificación do cumprimento da normativa vixente, por un importe de 37.490 euros máis IVE.

As festas do Apóstolo arrancan esta note co pregón dende os balcóns do Pazo de Raxoi a cargo de Verónica Boquete. A futbolista santiaguesa mantivo un contacto previo cos medios de comunicación acompañada polo alcalde, Martiño Noriega, e pola concelleira de Acción Cultural, Branca Novoneyra.

A Banda Municipal de Música de Santiago inaugura o seu ciclo especial de concertos dentro das festas do Apóstolo este domingo 19, ás 22:00 horas, acompañada do Coro Liceo de Vilagarcía.

Verónica Boquete foi a encargada do pregón co que se iniciaron as festas do Apóstolo. A futbolista compostelá indicou que "sensación de ledicia" por ser a pregoeira era " impagable" e agradeceu a confianza por ter sido elixida para este cometido. "Estar aquí impresiona, e claro que é pola Catedral, pero tamén por todos vós", díxolles aos presentes na praza do Obradoiro.

Tras o pregón da compostelá Vero Boquete na noite do venres, o sábado metémonos xa de cheo nas festas do Apóstolo cun programa cargado de actividades variadas. Ás 17:00 h comeza o Torneo de Chave na Alameda e celebraremos a Xornada de Folclore Galego a partir das 21:00 h na praza da Quintana. Ademais, durante todo o día desenvólvese o programa Artellando: dende as 12:30 h da mañá teremos Artellando nos barrios; a partir das 21:30 h artellaremos nos Currunchos e pechamos a xornada ás 23.00h con...

O alcalde de Santiago, Martiño Noriega, confirmou que non estará presente no acto relixioso da Ofrenda ao Apóstolo Santiago. Si que tomará parte, como máxima representación institucional do Concello, no acto previo de recibimento ás autoridades na praza do Obradoiro e na recepción no Pazo de Raxoi posterior á cerimonia relixiosa.