ALCALDÍA
O Concello contribúe na loita contra o cancro
Como ven sendo habitual nos últimos anos, o alcalde da cidade, Xosé A. Sánchez Bugallo, achegouse á mesa instalada na Praza do Toural, para contribuír cun importante donativo municipal á campaña de cuestación anual que organiza a Asociación Española de Loita contra o Cancro.
UMAD
Os alumnos do Xelmírez I reflexionan sobre o fenómeno do botellón a partir dunha exposición fotográfica
A concelleira de Benestar Social, Mar Martín, a mostra fotográfica "Obxectivo: mocidade crítica", realizada polos alumnos do ciclo de Laboratorio da Imaxe do IES Xelmírez I en torno ao tema do botellón, a zona vella e a amizade. Acompañouna a directora da UMAD, Pilar Bermejo, e representantes do centro educativo.
DEPORTES
Compostela acolle o Campionato de España Junior de Baloncesto Feminino
A fase final do Campionato de España Junior de Baloncesto Feminino trae a Compostela aos doce mellores equipos españois desta categoría. A competición celebrarase do 20 ao 25 de maio no pavillón municipal de Santa Isabel.
TURISMO
Nace "Santiago de Compostela. Your Way 2008", unha guía para turistas potenciais
O concelleiro de Promoción Económica e Turismo, Xosé Manuel Iglesias, presentou a publicación Santiago de Compostela. Your Way 2008, a guía oficial anual da cidade, editada por Turismo de Santiago.
DEPORTES
O Camiño une Santiago e Barcelona nun proxecto solidario
A atleta Alexandra Panayotou chegará o venres 16 a Santiago despois de percorrer en 21 días 1.200 quilómetros entre Barcelona e a nosa cidade. Cumprirá así un dos retos máis importantes do proxecto Pole Runner 2008, co obxectivo de recadar fondos para o proxecto disCAPACITADOS Expedición Polo Sur, do que a atleta é directora deportiva.
ALCALDÍA
Os alcaldes de Compostela e Barcelona acordan unir esforzos para a Expo Shanghai 2010
Nunha xuntanza mantida no Concello de Barcelona, os alcaldes de Santiago de Compostela, Xosé A. Sánchez Bugallo, e da Cidade Condal, Jordi Hereu, acordaron unir esforzos para estar presentes na Expo Shanghai 2010. Neste evento internacional estarán ambas cidades, xunto con Madrid, Bilbao e Zaragoza, en representación de España.
EDUCACIÓN
Quince alumnos de Ávila visitan Compostela no marco do programa "Coñecer as Cidades Patrimonio"
Un grupo de quince alumnos de 3º de ESO do Colexio Medalla Milagrosa de Ávila están a realizar unha visita didáctica a Santiago no marco do programa "Coñecer as cidades patrimonio". Estarán na cidade entre o 12 e o 14 de maio.
CULTURA E CIDADE HISTÓRICA
"Esperando as Letras 2008" leva a literatura galega ás rúas da cidade histórica
Do 12 ao 17 de maio, a literatura trasládase ás rúas da cidade histórica grazas ás diversas actividades previstas no programa Esperando as Letras 2008. Nunha semana eminentemente relacionada coa literatura e coa lingua galega, os libros sairán ao exterior das librarías e as letras chegarán a todos os públicos.
CULTURA
O II Ciclo "Revelando Voces" continúa con dous novos concertos nos CSC do Castiñeiriño e da Trisca
O II Ciclo Revelando Voces continúa con dous novos concertos. O mércores 14, no CSC do Castiñeiriño, tempo para gozar coa música de S.A.R. (Sistema Acústico de Ruído), e o xoves 15, no CSC da Trisca, coa de Héctor Lorenzo.
CULTURA
Inaugúrase na Zona "C" a nova exposición do compostelán Manuel Eirís
O artista compostelán Manuel Eirís abre a súa nova mostra o mércores 14 de maio, ás 20.00 horas, na Zona "C". A exposición, organizada pola Concellaría de Cultura, presenta unha intervención que inclúe dúas liñas do traballo artístico que vén desenvolvendo nos últimos tempos.
