XUNTA DE GOBERNO
A Xunta de Goberno Local aproba a concesión da licenza para a séptima fase de despregamento da fibra óptica na cidade histórica
A Xunta de Goberno Local acordou conceder a Orange España Comunicaciones Fijas, S.L., a licenza para realizar a séptima fase do plan de despregamento da rede de fibra óptica na cidade histórica, que conta cun orzamento de execución material de 25.259,35 euros. Segundo explicou o alcalde, Xosé Sánchez Bugallo, "pouco a pouco se vai contemplando toda a améndoa, co obxectivo, xa anunciado de que en Semana Santa estea instalado en toda a cidade histórica".
MEDIO RURAL
Comeza a primeira fase das obras de rexeneración e reforzo do pavimento da calzada da Rúa Santa Teresa de Jornet
Hoxe, 8 de febreiro, comezou a execución da primeira fase das obras de "Rexeneración e reforzo estrutural do pavimento da calzada da Rúa Santa Teresa de Jornet", na parroquia de Bando, promovidas pola Concellería de Medio Rural. As obras enmárcanse dentro do plan POS+ que desenvolve o departamento que dirixe José Manuel Pichel, en coordinación coa Deputación Provincial da Coruña.
ALCALDÍA
O alcalde será o representante da FEGAMP no Comité de Coordinación Aeroportuaria de Galicia
A Federación Galega de Municipios e Provincias vén de designar o alcalde de Santiago, Xosé Sánchez Bugallo, como o seu representante no Comité de Coordinación Aeroportuaria de Galicia. Así llo comunicou por carta o secretario xeral da entidade, Eduardo Ramonde Rodríguez.
PRESIDENCA E RELACIÓNS INSTITUCIONAIS
Santiago será escenario dun ambicioso proxecto de mobilidade aérea de vehículos
O concelleiro de Presidencia, Relacións Institucionais e Turismo, Sindo Guinarte, reuniuse cunha representación do ITG (Instituto Tecnolóxico de Galicia) para comezar coa coordinación do proxecto AMU-LED, no que colabora o concello de Santiago de Compostela. AMU-LED é un proxecto H2020 da Comisión Europea, que ten como principal obxectivo demostrar a integración segura de distintos tipos de operacións con drons no ceo das nosas cidades e contribuír con iso ao desenvolvemento regulatorio e normativo.
MEDIO AMBIENTE
Asinado o convenio para a execución e explotación da nova EDAR de Santiago, que se prevé que estea operativa en 2026
De forma telemática asinouse esta mañá o convenio para a execución e explotación da nova estación depuradora de augas residuais (EDAR) da Silvouta entre o alcalde de Santiago, Xosé Sánchez Bugallo; a directora xeral de Aguas de las Cuencas de España (ACUAES), Rosa Cobo; e a conselleira de Infraestruturas e Mobilidade, Ethel Vázquez. Tamén estivo presente no acto o secretario de Estado de Medio Ambiente, Hugo Morán.
ALCALDÍA
Arrancan as reunións cos sectores máis afectados pola pandemia para a posta en marcha da terceira convocatoria de axudas
O alcalde de Santiago, Xosé Sánchez Bugallo, avanzou en rolda de prensa que a semana que vén se reunirá coas entidades representantes dos sectores que máis de preto están a sufrir as consecuencias da pandemia para pór en marcha un terceiro plan de axudas. Tamén se referiu, na súa comparecencia semanal dos venres, ao recén asinado convenio para a construción da EDAR.
EMPREGO
Moitos centros educativos galegos únense á xornada en liña "As ciencias escríbense en feminino"
O xoves 11 de febreiro ás 12.00h terá lugar un evento online por streaming para colexios e institutos de Galicia para celebrar o Día Internacional da Muller e a nena na Ciencia, data promovida polas Nacións Unidas. Máis de 3000 alumnas e alumnos de moitos centros eductativos de Galicia xa confirmaron a súa asistencia á xornada de divulgación en liña.
SMARTIAGO
O proxecto CPI de mobilidade smart, pioneiro en Europa a nivel de innovación, permitirá controlar e predecir os fluxos de vehículos e peóns na cidade histórica
Os concelleiros de Turismo, Sindo Guinarte; e de Mobilidade, Gonzalo Muíños, presentaron hoxe, xunto a Juan Marín, director do departamento de Cidades da empresa Kapsch, o proxecto CPI (Compra Pública Innovadora) de mobilidade smart. "O proxecto estrela de SMARTiAGO", como o definiu Guinarte, "porque é o que acapara un maior volume de recursos económicos e porque, probablemente é o que vai ter unha maior visibilidade e influencia no desenvolvemento futuro de cuestións fundamentais para a nosa cidade, como o control de...
MOBILIDADE E SEGURIDADE CIDADÁ
A Agrupación de Voluntarios de Protección Civil de Santiago estrea páxina web e unha aplicación interna que mellora a súa organización
Dous voluntarios da agrupación de Protección Civil, Diego Barreiro e Patricia Otero, enxeñeiros informáticos de formación, puxeron en marcha unha páxina web coa que poñer en valor o traballo da entidade. Este aplicativo tamén conta cunha ferramenta interna que facilita e axiliza a organización dos dispositivos, entre outras funcións. Presentárona en rolda de prensa, acompañados polo concelleiro de Mobilidade e Seguridade Cidadá, Gonzalo Muiños.
TURISMO
Varias cidades españolas, entre elas Santiago de Compostela, impulsan unha asociación para a cocreación de contidos turísticos culturais
Os concelleiros de Acción Cultural, Mercedes Rosón; e de Turismo, Sindo Guinarte, participaron, vía telemática, no primeiro encontro para constituír o Consello Español de Contidos Turísticos, e elaborar un plan estable de coprodución de contidos de interese turístico liderado dende as cidades do grupo impulsor da iniciativa. Estas cidades son, xunto a Santiago de Compostela, Barcelona, Palma de Mallorca, San Sebastián, Bilbao, Málaga e Valencia.