Noticias

Na edición de Primavera do VI Concurso Municipal de Escaparatismo SCQ Shopping 2009, que desenvolve a Concellaría de Promoción Económica e Comercio, inscribíronse 24 comercios de Santiago pertencentes a 14 sectores distintos.

O XXX aniversario das corporacións democráticas tivo como acto central unha recepción do alcalde, Xosé A. Sánchez Bugallo, a todos os integrantes das corporacións compostelás de 1979 a 2007. Ademais, houbo un recoñecemento expreso aos alcaldes do Concello de Santiago dende 1979: José Antonio Souto Paz (1979-1981), Marcial Castro Guerra (1981-1983), Xerardo Estévez Fernández (1983-1986 e 1987-1998) e Ernesto Viéitez Cortizo (1986-1987).

As rúas Pérez Constanti, Laverde Ruíz, Santiago de Guayaquil, Neira de Mosquera, Curros Enríquez e Gómez Ulla, serán reurbanizadas integralmente grazas ao financiamento do Fondo Estatal de Investimento Local. Esta intervención integral dotará ao Ensanche vello de Compostela de espazos máis habitables, con amplas beirarrúas e novos servizos.

O Paraninfo da Facultade de Historia acollerá o xoves 23 de abril o acto central da Semana de Acción Mundial pola Educación, que se celebra do 20 ao 26 de abril. Grazas a estas xornadas, millóns de persoas en todo o mundo mobilízanse para lograr que a alfabetización das persoas novas e adultas sexa unha realidade.

Turismo de Santiago xerou 11.425 pernoctacións en hoteis da cidade entre novembro do 2008 e marzo do 2009, segundo os datos que fixo públicos o concelleiro de Promoción Económica e Turismo, Xosé Manuel Iglesias. Estes datos fan desta edición da Campaña de Desestacionalización a de mellores datos das que se teñen levado a cabo. Supoñen un crecemento do 116% respecto das 5.276 da campaña anterior.

La vida musical en Santiago a finales del siglo XIX é o título do novo libro de María García Caballero, publicado polo Consorcio en colaboración con Alvarellos Editora. Será presentado o xoves 23, Ás 20:00 horas, no Museo do Pobo Galego.

Os mozos foron protagonistas da segunda xornada de portas abertas, incluída nos actos de celebración do XXX aniversario das corporacións democráticas. Alumnos do IES Antón Fraguas exerceron de concelleiros nunha sesión plenaria moi especial, chea de naturalidade e de reivindicacións.

A Xunta de Goberno aprobou a realización dun estudo topográfico da praza de Galicia, destinada a ter unha información necesaria á vista da súa futura remodelación. Entre outros asuntos, ratificou tamén os prazos de admisión da Escola Municipal de Música para o curso 2009/2010 e o proxecto de ordenanza reguladora do Programa de axuda no fogar.

A concelleira da Cidade Histórica e Rehabilitación, Olga Pedreira, presentou o proxecto de acondicionamento e urbanización da área de San Frutuoso. A actuación consiste nunha rexeneración completa da zona cunha renovación xeral dos acabados da calzada, beirarrúas e mobiliario urbano. A presentación foi realizada na propia zona de intervención, onde a concelleira explicou a solución deseñada para aplicar na explanada onde hoxe se sitúa o pavillón da Trinidade, que será retirado do seu...

A cidade acollerá o 15 e o 17 de maio dous partidos internacionais, no marco dun torneo preparatorio para o EuroBasket da, selección española de baloncesto feminino. Así se sinala no protocolo asinado polo concelleiro de Deportes, Andrés Fariña; polo presidente da Federación Española de Baloncesto, José Luís Sáez; e polo presidente da Federación Galega de Baloncesto, Francisco Martín. Estes últimos foron recibidos polo alcalde, Xosé A. Sánchez Bugallo, con motivo da súa...