Noticias

O espectáculo Laboratorio máxico, da compañía Mundo Mandarina, estará este mércores 19 de agosto, ás 19:30 horas, na praza de San Martiño Pinario, con entrada de balde. Con esta función, dirixida a todos os públicos, continúa o programa Verán na rúa.

O programa Verán na rúa, da Concellaría de Acción Cultural, entra na terceira semana de programación con acrobacias, maxia e circo. Este martes 18 de agosto, ás 19:30 horas, na praza da Quintana, a compañía Desastronauts presenta o espectáculo Un tonto no aire.

A Xunta de Goberno adxudicou na súa sesión ordinaria deste venres as obras de rehabilitación do palacete do Espiño para a súa recuperación como equipamento municipal, por un importe de 869.910 euros. Segundo indicou o alcalde, Martiño Noriega, o uso definitivo que terá o edificio decidirase nos vindeiros meses, apuntando posibilidades como o sociocultural ou o administrativo.

A primeira tenente de alcalde, María Rozas, recibiu a medalla de honra e o diploma de recoñecemento concedidos ao Concello de Santiago polo Curso Universitario Internacional Música en Compostela.

O alcalde, Martiño Noriega, reuniuse no Pazo de Raxoi co deán da Catedral de Santiago, Segundo Pérez e co director da Fundación Catedral, Daniel Lorenzo, que o informaron, respectivamente, da solicitude de irmandamento da cidade italiana de Pistoia e da marcha das obras da Catedral.

O programa Verán na rúa, que a Concellaría de Acción Cultural pon en marcha neste mes de agosto, chega ao seu ecuador coa actuación da compañía galega trasPediante. Será este xoves, ás 19:30 horas, na praza da Quintana. Se o tempo no é propicio, o espectáculo pasará ao Teatro Principal. A entrada é de balde.

O alcalde de Santiago, Martiño Noriega, segue a súa rolda de contactos coas diferentes entidades veciñais. Desta vez reuniuse coa Asociación de Veciños de Guadalupe.

A programación de Verán na rúa continua a encher de risas e de complicidade as rúas e prazas de Santiago de Compostela. Este mércores, ás 19:30 horas, na praza de San Martiño Pinario, con entrada de balde, a pallasa e malabarista italiana Fran Martó presenta Rinse & Spin.

O alcalde de Santiago e presidente do Consello Reitor do Auditorio de Galicia, Martiño Noriega Sánchez asinou o contrato de dirección do XII Festival Internacional de Curtametraxes, Curtocircuíto, con Pela del Álamo, realizador e produtor de recoñecido prestixio, que repite por terceiro ano consecutivo.

Nova xornada do programa Verán na rúa. Este martes 11 de agosto, ás 19:30 horas, na praza da Quintana, Pistacatro Produtora de Soños presenta Fair Play, un espectáculo que forma parte do circuíto cultural e de lecer Cultura no Camiño, promovido pola Xunta de Galicia con motivo do VIII Centenario da Peregrinación de San Francisco de Asís a Compostela e patrocinado por Turismo de Galicia e Agadic.