ALCALDÍA
O alcalde afirma o compromiso de Santiago de Compostela cos valores da Unión Europea
O alcalde compostelán, Xosé A. Sánchez Bugallo, presidiu o acto institucional de exaltación da Presidencia española da Unión Europea. Esta cerimonia protocolaria foi a primeira dunha serie de actos que durante este primeiro semestre do ano pretenden contribuír a un maior coñecemento da realidade e dos proxectos da Unión Europea, así como da importancia do Tratado de Lisboa.
FACENDA
O Concello baixa as retribucións dos altos cargos nun 3% para este exercicio
Na Xunta de Goberno deuse conta do Decreto de Prórroga do Orzamento para o ano 2010 da Concellería de Facenda. Tal e como establece a Lei de Facendas Locais, ao iniciarse o exercicio económico sen entrar en vigor o novo orzamento considérase automaticamente prorrogado o orzamento do exercicio anterior ata a entrada en vigor do novo orzamento.
CULTURA
Vivica Genaux clausura "Todo Lírica"
O xoves 7 de xaneiro remata unha exitosa edición de Todo Lírica. IX Festival de Zarzuela de Santiago. A encargada desta clausura será Vivica Genaux, mezzosoprano nada en Alaska que regresa a Galicia tras os seus triunfos nas actuacións hai catro anos no Festival de Música Cidade de Lugo (recital que supuxo o seu debut en España) e na edición 2007 do Festival Via Stellae.
FESTAS
Os Reis Magos chegaron en dous segundos a Compostela con mil millóns de xoguetes
Os Reis Magos repartiron caramelos e ilusións un Nadal máis. Milleiros de nenos e nenas, acompañados das súas familias, viviron intensamente unha cabalgata que percorreu varias rúas compostelás ata chegar á praza do Obradoiro.
