EDUCACIÓN
A Escola Municipal de Música incorpora a danza e a música tradicional á súa oferta académica
Con preto de 300 alumnos contará a Escola Municipal de Música no curso 2009-2010. Son xa 213 alumnos os matriculados, aos que se unirán os que se matriculen entre o 21 e o 25 de setembro. Todos eles poderán acceder a unha ampla oferta que incorpora novidades como as seccións de danza ou de música tradicional, ou un grupo de nenos de tres anos na sección de música e movemento.
BENESTAR SOCIAL
O programa "Mente Activa" ensina aos maiores estratexias para mellorar a memoria
Os centros socioculturais do Castiñeiriño e Villestro acollerán as sesións do programa de estimulación cognitiva Mente Activa. Esta iniciativa está destinada a mulleres e homes que superen a barreira dos 60-65 anos interesados en aprender estratexias para fortalecer e mellorar a súa memoria.
CIDADE HISTÓRICA
"A Cerca da Cidade" fai un percorrido didáctico polos principais puntos da muralla medieval de Compostela do século XI
A concelleira de Rehabilitación e Cidade Histórica, Olga Pedreira, presentou a publicación A Cerca da Cidade, que resume, de xeito sinxelo e didáctico, os resultados do traballo realizado ata o de agora dentro do Estudio e restauración da muralla medieval da cidade promovido e iniciado pola OCiHR en 2008. O estudio pretende, a medio e longo prazo, recuperar a muralla medieval (tanto a súa historia como as estruturas que aínda se conservan) para reintegrala na memoria e na paisaxe histórica da cidade.
ALCALDÍA
O alcalde reúnese co director xeral de Tráfico para falar do Plan de Sinalización de Mobilidade para o Xacobeo
O alcalde, Xosé A. Sánchez Bugallo, presentou ao director xeral de Tráfico, Pere Navarro Olivella, o Plan de Sinalización da Mobilidade para o Xacobeo 2010. Durante o encontro que mantiveron na sede da Dirección Xeral de Tráfico, en Madrid, Navarro amosou a súa conformidade ante a proposta do Concello, así como a intención de traballar conxuntamente para que o Plan estea a punto na Semana Santa de 2010, de xeito que se poida afrontar con eficacia a regulación, ordenación e seguridade viaria do tráfico en...
CULTURA
Camilla Tilling e Roger Vignoles dedican o segundo concerto do X do Ciclo de Lied a Schumann e Strauss
Tras o éxito do concerto inaugural, o martes 22, ás 21:00 horas, celébrase no Teatro Principal de Santiago o segundo concerto da X edición do Ciclo de Lied, organizado pola Concellaría de Cultura e a Asociación Galega da Lírica. Protagonista deste concerto é a soprano sueca Camilla Tilling, unha cantante de renome e ascendente carreira que causou unha inmellorable impresión na súa primeira actuación en Santiago de Compostela hai cinco anos, na quinta edición deste ciclo.
