Noticias

O alcalde e presidente do Consorcio, Xosé A. Sánchez Bugallo, fixo entrega ao Cabildo da Catedral das obras de recuperación e posta en valor do Patio da Parra, cabaleirizas monumentais e dependencias anexas do pazo barroco coñecido como Casa do Deán. As estancias recuperadas poñeranse ao servizo da Oficina de Atención ao Peregrino para converterse nun máis grande e acolledor centro de recepción, a poucos meses do inicio dun novo Ano Santo.

Celebrouse a entrega dos premios do I Concurso de Balcóns da Cidade Histórica de Santiago, que organizaron as concellerías do Medio Ambiente e da Cidade Histórica. No acto de entrega estiveron presentes as persoas encargadas de cada un dos cinco balcóns premiados, así como todos os membros do xurado.

O convento de San Francisco, acolleu de 12:00 a 22:00 horas o rastrillo solidario do proxecto Juntos Podemos. Os que ata alí se achegaron puideron adquirir algún dos 1.500 regalos doados por doados por empresas, institucións ou persoas a título individual. O recadado irá para axudar ás familias máis necesitadas, sen emprego ou con risco de exclusión social da área de Santiago.

Máis de 2.000 quilos de material pirotécnico están preparados para unha exhibición de 36 minutos nos Fogos do Apóstolo. Nesta edición haberá un espectáculo multimedia no que os protagonistas serán os sentimentos humanos, transmitidos a través das cores, da poesía e dos propios fogos de artificio.

Nace a Plataforma de formación máiscompostela, á que se accederá dende a páxina web da Concellaría: www.maiscompostela.org. O seu obxectivo é dar resposta ás demandas formativas do mercado laboral e do tecido produtivo compostelá, a través dunha ferramenta de formación gratuíta, accesible, manexable, con titorías personalizadas, e á que o alumando pode acceder ás 24 horas do día.