Noticias

A XI Campaña Municipal de Animación á Lectura, organizada pola Concellería de Educación e Kalandraka Editora, chegou ao seu fin. Durante a campaña participaron máis de 4.500 escolares dos centros de ensino de Santiago e bisbarra.

O alcalde e presidente do Consorcio de Santiago, Xosé A. Sánchez Bugallo, asinou co director xeral de Distribuciones Froiz, José María Froiz Prieto, e co director en Galicia de Avante Márketing & Medios, Juan Manuel Muñoz Moreno, os acordos polos que estas dúas empresas pasan a ser patrocinadores do 800 Aniversario da Catedral de Santiago.

O alcalde compostelán, Xosé A. Sánchez Bugallo, valorou en rolda de prensa a autorización do Ministerio de Fomento para a redacción do proxecto da futura estación do AVE. Confía en que o concurso se convoque na vindeira semana, co fin de que estea aberta a presentación de propostas ata a segunda quincena de xuño e, antes as mesmas, elixa a comisión avaliadora.

A concelleira de Educación, Mercedes Rosón, recibiu o grupo de alumnos do Colegio Diocesano Asunción de Nuestra Señora de Ávila que elaborou o traballo seleccionado por esta cidade na décima edición do programa didáctico Coñecer as Cidades Patrimonio.

O alcalde compostelán, Xosé A. Sánchez Bugallo, e a concelleira de Educación, Mercedes Rosón, mantiveron un encontro cun grupo de alumnos de quinto curso do colexio Quiroga Palacios.

O luns 2 de maio, ás 12:00 horas, inaugúrase na Casa das Asociacións unha exposición retrofuturista de obxectos e traxes que intenta responder á pregunta "¿Cómo sería Santiago imaxinada por Xulio Verne". Estará aberta ata o sábado 7.

A concelleira de Rehabilitación e Cidade Histórica, Olga Pedreira, anunciou a sinatura dun convenio co Ministerio de Fomento e co Instituto Galego de Vivenda e Solo (IGVS) para proseguir co labor iniciado nas Áreas de Rehabilitación Integral de Vista Alegre, Pontepedriña e Casco Histórico. "Estas actuacións permitirán proseguir pola liña iniciada destinada a mellorar a calidade de vida dos santiagueses e santiaguesas, dentro do modelo de cidade que defendemos", destacou.

O alcalde compostelán, Xosé A. Sánchez Bugallo, asinou o acordo relativo á Área de Rehabilitación Integral do Casco Histórico de Santiago (12ª fase), acto que estivo presidido polo ministro de Fomento, José Blanco. En virtude deste convenio rehabilitaranse 82 vivendas e acometeranse actuacións urbanización no seu ámbito.

O alcalde e presidente do Consorcio de Santiago, Xosé A. Sánchez Bugallo, e o administrador de Autocares Mosquera, Leandro Mosquera, asinaron o acordo polo cal a empresa transportista pasa a ser patrocinadora do 800 Aniversario da Catedral de Santiago. Neste sentido, Mosquera colaborará nos diferentes actos programados con motivo da efeméride e no plan de obras de restauración que se realizarán na Catedral e que están contempladas no seu Plan Director.

O alcalde compostelán, Xosé A. Sánchez Bugallo, recibiu o grupo ANATOLE que analiza en Santiago de Compostela as vantaxes que o desenvolvemento dos mercados de proximidade ofrece ás cidades europeas. No encontro participan representantes das cidades de Huelva, San Sebastián, Santiago de Compostela, Aveiro, Nantes, e Dublín; así como da Conferencia de Cidades do Arco Atlántico e da Asociación de Cámaras Agrarias do Arco Atlántico Francés.