Noticias

O arquitecto e exalcalde de Santiago Xerardo Estévez será o coordinador dos traballos enmarcados no protocolo asinado entre a Xunta e o Concello compostelán para a mellora e integración paisaxística dos Camiños de Santiago, nos tramos que discorren pola capital galega. Así se anunciou hoxe, no marco da reunión da comisión de seguimento dese acordo, que estivo presidida pola conselleira de Infraestruturas e Vivenda, Ethel Vázquez, e o concelleiro de Espazos Cidadáns, Dereito á Vivenda e Mobilidade, Jorge...

O Concello de Santiago fixo neste ano un chamamento á veciñanza para que participe de forma activa na campaña En negro contra as violencias machistas. Trátase de que os veciños e veciñas se convertan en altofalantes da iniciativa colocando bandeirolas, roupa ou calquera elemento de cor negra das súas fiestras ou balcóns.

A praza do Obradoiro acolleu un minuto de silencio para condenar o último asasinato machista, que deixou este domingo unha nova vítima, desta vez unha menor de tan só dous anos, na localidade de Alzira (Valencia).

Cineuropa ten hoxe como protagonista indiscutible a Leonardo Sabaraglia. O festival distingue a prolífica traxectoria dun intérprete que, con máis de 50 longametraxes ás súas costas, se atopa nunha etapa de admirable madurez interpretativa.

O Consorcio de Santiago asinou esta mañá un convenio cos herdeiros do fotógrafo compostelán Ramón Sánchez Estalote (1908-2002), en virtude do cal ceden ao organismo o seu fondo fotográfico para a súa custodia. No acto estiveron o alcalde da cidade e presidente do Consorcio, Martiño Noriega; a xerente do organismo interadministrativo, Belén Hernández; o responsable de publicacións e exposicións do Consorcio, Juan Conde; xunto á sobriña de Estalote, Ana Mª Sánchez Pardo, que...

A concelleira de Políticas Sociais, Concha Fernández, visitou os postos informativos e de diagnose instalados na praza do Toural con motivo da celebración do Día Mundial da Diabetes. Alí hai unha carpa da Asociación Compostelá de Diabéticos, onde se poden facer análises para medir o nivel de azucre, e outra do Instituto Oftalmolóxico Gómez Ulla, onde se analiza a retinopatía diabética. Os espazos permanecerán abertos ata as 21:00 horas deste martes.

A Real Filharmonía de Galicia celebra o seu concerto semanal de abono este xoves ás 20:30 horas na súa sede, o compostelán Auditorio de Galicia. A batuta levaraa o mestre Víctor Pablo Pérez, actual director da Orquestra e Coro da Comunidade de Madrid. Os músicos estarán acompañados polo Coro da Orquestra Sinfónica de Galicia, que dirixe Joan Company.

O alcalde, Martiño Noriega, presidiu a entrega do X Premio Internacional Compostela de Álbums Ilustrados, á arxentina Rocío Soledad Alejandro, pola súa obra La huerta de Simón. O álbum será publicado neste mesmo mes de novembro en todas as linguas da Península e, ademáis, a súa autora recibe un premio en metálico de 9.000 euros.

O alcalde de Santiago, Martiño Noriega, e a concelleira de Deporte, Noa Morales, recibiron o atleta Roberto Vieiro Pérez.

A Organización Médica Colexial vén de elixir a Compostela como sede do seu III Congreso de Cooperación Internacional, que se celebrará en xaneiro de 2019. Así llo transmitiu hoxe ao alcalde o presidente do Colexio de Médicos da Coruña, Luciano Vidán. A entidade estima que no encontro participarán entre 400 e 500 persoas.