Noticias

A edición de Nadal de Compostela Gastronómica rematou tras 18 días de actividades relacionadas coa cociña e a época do Nadal, así como de degustacións e visitas guiadas polo mercado, nas que participaron máis de 500 persoas.

O Goberno local vén de activar un operativo especial de seguridade, ante as malas previsións meteorolóxicas para os vindeiros días. Aínda que a Axencia Galega de Emerxencias (AXEGA) non activou de momento ningún nivel de alerta para a fin de semana, as predicións falan de que se van repetir os episodios de vento e fortes chuvias das últimas xornadas. É por iso que durante a fin de semana vai haber un reforzo nos servizos de Policía Local, Bombeiros e Viaqua, co obxectivo de solucionar con axilidade calquera incidencia que...

O alcalde de Santiago instou hoxe ao Ministerio de Fomento a cumprir os seus compromisos coa cidade, e avogou porque "o feito de termos un Goberno en funcións non paralice actuacións vitais para Compostela". Martiño Noriega expresou o seu malestar polo retraso das obras do túnel de Conxo, e lembrou que axilizar estes traballos fora unha das promesas de Ana Pastor na reunión celebrada en Madrid no pasado 2 de setembro.

A praza do Obradoiro acolleu unha concentración para condenar os últimos asasinatos machistas, que deixaron dúas vítimas en Madrid e Guadalajara.

O alcalde de Santiago, Martiño Noriega, reuniuse co reitor da USC, Juan Viaño, para dar un repaso a varios temas pendentes que implican ao Concello e á institución académica. Así, falaron sobre o convenio de mantemento entre a Administración local e a USC, da futura Facultade de Medicina ou da operación de Galeras no espazo do antigo hospital provincial.

Branca Novoneyra, concelleira de Acción Cultural; Yolanda Castaño, poeta e organizadora do Implícate; e Susana Sánchez Aríns, representante de Implicadas no Desenvolvemento; presentaron esta mañá na Casa do Concello o Implícate! 2016, Festival de Música e Palabra Solidaria, que se celebrará este domingo 10, ás 20:30 horas, no Teatro Principal.

O alcalde de Santiago, Martiño Noriega, e a concelleira de Políticas Sociais, Concha Fernández, reuníronse hoxe coa Valedora do Pobo, para darlle conta das actuacións emprendidas polo Concello en relación á situación das persoas sen teito. Foi unha xuntanza solicitada por Milagros Otero, a raíz da queixa presentada ante a Valedora polas asociacións Compostela Monumental e Cidade Vella. O rexedor aproveitou a reunión para insistir en que "a situación das persoas sen fogar é unha prioridade...

O Programa Municipal de Conciliación Nadal 2015 clausurouse cunha festa no CEIP Raíña Fabiola, un dos centros, xunto ao CEIP As Fontiñas, onde se desenvolveron as diferentes actividades durante estas datas festivas. Ao longo destes días, participaron no programa 76 nenos e nenas con idades comprendidas entre os 3 e os 12 anos (41 no CEIP Raíña Fabiola e 35 no CEIP As Fontiñas), dos que 38 utilizaron o servizo de comedor e 11 o servizo de madrugadores.

O alcalde de Santiago, Martiño Noriega, participou no cemiterio de Boisaca na homenaxe a Ramón María del Valle-Inclán con motivo do 80º aniversario do seu pasamento.

O alcalde de Santiago, Martiño Noriega, sumouse na Cidade da Cultura ao acto de homenaxe ao escritor Xosé Neira Vilas, na data na que se cumpren 55 anos dende a publicación de Memorias dun neno labrego, novela que foi publicada en Arxentina en 1961 pola editorial Follas Novas e que, a día de hoxe, é considerada a novela más lida e traducida das letras galegas.