Noticias

Cabo Verde é o país protagonista das primeiras xornadas "Galeguía", organizadas pola Fundación Vía Galego. Este encontro nace co obxectivo de achegar aos galegos diversos aspectos dos países de fala galego-portuguesa.

O concelleiro de Promoción Económica e Comercio, Xosé Manuel Iglesias, asinou catro convenios de subvención con representantes das asociacións de comerciantes Acotés, Compostela Monumental, Mercado de Abastos e Santiago Centro por un valor total de 91.000 euros. O obxecto da subvención é fomentar a realización de actividades, implantación de servizos e a adopción de medidas de dinamización e promoción comercial en Compostela. A través deste convenio Acotés, Compostela Monumental e Santiago...

Xosé A. Sánchez Bugallo, en calidade de presidente da Conferencia de Cidades do Arco Atlántico (CCAA) reunirase o xoves 18 co máximo mandatario do Principado de Asturias, Vicente Álvarez Areces, que acude á xuntanza como presidente da Conferencia de Rexións Periféricas e Marítimas (CRPM). Ambos líderes tratarán de atopar estratexias comúns para problemas que afectan tanto ás rexións coma ás cidades atlánticas. Entre eles, o medio ambiente, a desaparición dalgunhas actividades...

O alcalde compostelán, Xosé A. Sánchez Bugallo, demandou en nome dos rexedores das grandes cidades galegas a adopción de leis que dean respaldo ás ordenanzas municipais para facer fronte ao problema do botellón. "As ordenanzas son a norma máis baixa no escalafón e deben sustentarse en leis que lles dean cobertura", recalcou.

O alcalde compostelán, Xosé A. Sánchez Bugallo, e o representante da Asociación Centro Cultural-Social Xoán XXIII, Padre Frei Francisco J. Honrubia Bonnín, asinaron no Pazo de Raxoi un convenio de colaboración en virtude do cal o Concello achega a cantidade de 11.220,46 euros para o desenvolvemento do "servizo de acollida durante a noite para transeúntes".

O Concello recuperará unha antiga escola unitaria da Portela (Figueiras) para convertela nunha Aula de Coñecemento do Medio Rural. Os concelleiros de Obras e Infraestruturas, Bernardino Rama, e de Educación, Guadalupe Rodríguez, presentaron este proxecto de reforma e ampliación, que vai supor un investimento de 415.000 euros.

A exposición SANTIAGO dC, situada no edificio do antigo Banco de España (praza das Praterías) segue a recibir as visitas de distintos centros escolares. O mércores 17 de outubro, ás 10.00 horas, serán os do Colexio Nosa Señora dos Remedios os que realicen este itinerario didáctico. Dende o comezo destas visitas, xa pasaron pola mostra máis de 200 escolares.

O alcalde compostelán, Xosé A. Sánchez Bugallo, sinalou a propósito do fenómeno do botellón que o Concello "ten medios humanos e materiais limitados". Por iso, indicou, "establecemos prioridades e esas son as de evitar o botellón na vía pública".

O concelleiro de Facenda e Ornamentos, Andrés Fariña, presentou o proxecto de ordenanzas fiscais para 2008, aprobado pola Xunta de Goberno. As novidades teñen que ver coa mellor comprensión, coa adecuación aos novos sistemas de xestión e coa actualización do IPC.

O Goberno local aprobou a concesión de diversas subvencións para o fomento do movemento asociativo e de defensa da muller. Concedéronse axudas por un importe total de 17.579 euros, dos que se beneficiarán quince asociacións.