PROMOCIÓN ECONÓMICA
A sexta edición da Maker Faire Galicia terá lugar do 18 ao 22 de novembro en formato online
Hoxe presentouse a sexta edición da Maker Faire Galicia, que se celebrará do 18 ao 22 de novembro, en formato online. Durante a feira, na que colabora o Concello de Santiago, trataranse temas como aeronáutica, automoción, alimentación, enerxía, saúde, economía circular, educación e innovación social. No acto de presentación, o alcalde compostelá, Xosé Sánchez Bugallo, destacou o programa desta edición, que lle parece, sinalou "extraordinariamente interesante". Ademais do...
ACCIÓN CULTURAL
O libro galego vestirase de gala (online) o 21 de novembro
Este mediodía tivo lugar, na sala circular do Auditorio de Galicia de Santiago de Compostela, a presentación pública da Gala do Libro Galego 2020 que este ano celebra a súa quinta edición e que terá un formato virtual. Será conducida por Quico Cadaval e difundirase o vindeiro sábado 21 de novembro, ás 12:00 desde a canle de Youtube da Gala.
ALCALDÍA
Celébrase esta tarde a Asemblea Xeral extraordinaria das Cidades Atlánticas
Os alcaldes e alcaldesas e os presidentes de autoridades locais das Cidades do Arco Atlántico reuniranse a partir das 15.00 horas, por vía telemática, para celebrar a Asemblea Xeral Extraordinaria da entidade.
EDUCACIÓN
Concello e IES Rosalía de Castro renovan a colaboración no financiamento do Bacharelato Internacional
O alcalde de Santiago, Xosé Sánchez Bugallo, e o director do IES Rosalía de Castro, Xavier Mouriño, asinaron en Raxoi o convenio de colaboración para o financiamento do Bacharelato Internacional, en virtude do cal o Concello achega 6.208 euros.
XUNTA DE GOBERNO
A Xunta de Goberno Local aproba as subvencións ao deporte federado e as axudas á actividade cultural desenvolvida polo sector profesional
A Xunta de Goberno Local aprobou hoxe as subvencións destinadas ao fomento do deporte federado por un importe de 274.999,67 euros, das que se beneficiarán 56 entidades e clubes deportivos. Na reunión acordouse ampliar o prazo de xustificación destas axudas ata o 25 de novembro. Tamén se deu luz verde ás subvencións de apoio á actividade cultural desenvolvida polo sector profesional, adxudicadas a once entidades culturais por un importe total de 85.208,8 euros. O importe máximo da subvención, segundo as bases, era do 80%...
PLENO
O Pleno aproba por unanimidade a exención da taxa de terrazas para os locais de hostalería para o ano 2021
O Pleno da Corporación, en sesión extraordinaria, aprobou por unanimidade a proposta de modificación da ordenanza 3.24, relativa á taxa pola utilización privativa e o aproveitamento especial do dominio publico, o que significa que os locais de hostalería estarán exentos de tributar pola colocación de terrazas o vindeiro ano 2021, dando así cumprimento a unha das demandas do sector.
ALCALDÍA
O grupo de expertos para a recuperación das estatuas do Mestre Mateo reunirase por primeira vez o vindeiro mércores
O grupo de expertos para a recuperación das estatuas do Mestre Mateo manterá a súa primeira reunión o próximo mércores logo de que a Xunta de Galicia e o Concello de Santiago acordaran a súa composición. O obxectivo é estudar as últimas evidencias en torno ás figuras e valorar accións para a súa reintegración no patrimonio público, seguindo unha folla de ruta sólida e consensuada como se fixo no caso do Pazo de Meirás.
ACCION CULTURAL
Salvador García-Bodaño deixa a súa pegada no Xardín das pedras que falan coa frase "Compostela, soño de pedra no tempo"
Salvador García-Bodaño xa ten a súa pegada, cun breve texto "Compostela, soño de pedra no tempo"; no "Xardín das pedrras que falan, detrás do Colexio de Fonseca. Inaugurouna hoxe o alcalde de Santiago, Xosé Sánchez Bugallo, nun acto no que, ademais do poeta, tamén estiveron presentes a concelleira de Acción Cultural, Mercedes Rosón; o reitor da USC, Antonio López;o escrito e catedrático, Claudio Rodríguez Fer, e distintos membros da Corporación Municipal.
ACCIÓN CULTURAL
Hoxe desenvólvense, en liña, as Xornadas de Ilustración Urbana nas que están inscritas máis de 200 persoas de distintos países
A concelleira de Urbanismo e Acción Cultural, Mercedes Rosón, inagurou esta mañá as Xornadas de Ilustración Urbana, que se celebran online, e nas que se inscribiron máis de 200 persoas, de lugares tan lonxanos como México, Brasil, Perú, Arxentina, e tamén de distintos países europeos e como non, de Galicia e de Santiago de Compostela.
ALCALDÍA
O Concello pon en marcha un segundo plan de axudas para o sector da hostalería e o comercio, coa colaboración da Deputación da Coruña, por 3 millóns de euros
O Plan Marco de Reactivación Económica Compostela 2020 aprobado en abril terá unha segunda parte neste mes de novembro co fin de axudar aos sectores que máis prexudicados se están vendo polas medidas restritivas decretadas pola Xunta de Galicia na loita contra a covid-19. Este segundo plan contará cun investimento de 3 millóns de euros, dos que dous procederán das arcas municipais e o terceiro, da Deputación da Coruña. Así o anunciaron el rolda de prensa o alcalde de Santiago, Xosé Sánchez Bugallo, e o...