Noticias

O alcalde de Santiago, Martiño Noriega, reuniuse con Víctor López e Miguel Pérez, da Secretaría Técnica da Asociación de Municipios do Camiño de Santiago.

A Real Filharmonía de Galicia celebra dous concertos en Lisboa esta fin de semana, no marco do festival portugués de música clásica Temporada Darcos, que este ano conmemora a súa novena edición. A RFG abrirá o certame, cunha primeira actuación o sábado 16 de xaneiro, ás 21:30 horas, no Teatro de Torres Vedras. A segunda cita terá lugar o domingo 17, ás 17:00 horas, no auditorio do Centro Cultural de Belém.

A compañía teatral Berrobambán estrea este venres en Compostela a súa última obra, Xurdefet (Jour de fête). Será ás 20:30 horas no Teatro Principal e repetirán de novo función sábado ás 12:00 e ás 18:30 horas. As entradas para este espectáculo teñen un prezo de 5 euros e pode mercarse unha entrada familiar por 15 euros para catro persoas (é dicir, serían 4 entradas ao prezo de 3) ou, se son soltas, hai descontos do 50% para diversas circunstancias.

A concelleira de Igualdade, Marta Lois, presentou este mércores o resultado dun estudo sobre percepción da violencia de xénero entre a poboación adolescente, que se levou a cabo no marco da campaña do 25N - Día Internacional para a Eliminación da Violencia contra as Mulleres. A actividade desenvolveuse nos IES Pontepedriña, Antonio Fraguas, Fontiñas e Xelmírez I, e permitiu contrastar a visión que tiña o alumnado sobre o machismo e a desigualdade entre homes e mulleres antes e despois dunha serie de...

A concelleira de Turismo, Marta Lois, reuniuse esta maña no Pazo de Raxoi co presidente da Asociación Turística Comarcal Ría Muros – Noia, Manuel Lema, e coa secretaria da entidade, Sol Agra. A Asociación está composta por empresas dos concellos de Muros, Outes, Noia, Porto do Son e Lousame.

O vindeiro luns, 18 de xaneiro, abrirase o prazo para o abono da taxa anual correspondente a 2016 das tarxetas de residente por razón de municipio. A data límite para efectuar este pago será o 20 de febreiro.

A Casa do Concello acolleu unha nova reunión ordinaria da Xunta Local de Seguridade presidida polo alcalde de Santiago, Martiño Noriega, e polo subdelegado do Goberno na Coruña, Jorge Atán. Entre outras cuestións, na xuntanza analizáronse os último índices de criminalidade dispoñibles, que reflicten que as infraccións penais se reduciron nun 3% en 2015 respecto ao ano precedente

O concelleiro de Espazos Cidadáns, Dereito á Vivenda e Mobilidade, Jorge Duarte, presentou este martes a Estratexia de Desenvolvemento Urbano Sostible Integrado (EDUSI), un documento que contempla accións para o período 2015-2025 e co que o Concello de Santiago aspira a 15 millóns de euros de fondos europeos, do Programa Operativo de Crecemento Sostible 2015-2020. Esta estratexia foi sometida á deliberación do Pleno nunha sesión extraordinaria celebrada tamén este martes. Saíu adiante cos votos favorables do grupo do...

O Centro de Interpretación Ambiental de Belvís está iniciando unha nova etapa, e para a súa reapertura ten previsto un amplo programa de actividades deseñadas pola cooperativa Feitoría Verde. As primeiras terán como destinatarios aos máis pequenos da casa, porque os rapaces van ser protagonistas da programación do CIAC neste 2016.

O Concello de Santiago quere recuperar un vello proxecto para a posta en valor do antigo trazado ferroviario entre Compostela e Ordes, e convertelo nunha Vía Verde. O protocolo para a súa creación, xestión, explotación e mantemento fora asinado no ano 2008 polos tres gobernos locais implicados, pero finalmente non se deron os pasos necesarios para poñer en marcha a iniciativa. Por iso, o concelleiro de Medio Ambiente e Convivencia, Xan Duro, recibiu no Pazo de Raxoi ao alcalde de Oroso, Manuel Mirás, e á concelleira de Medio Rural e...