Noticias

A Asemblea Xeral do Grupo de Cidades Patrimonio da Humanidade de España, máximo órgano de goberno da entidade, terá lugar en Santiago de Compostela o próximo sábado 23 de marzo.

A Real Filharmonía de Galicia ofrece este xoves, 21 de marzo, o seu concerto semanal de abono na súa sede, o Auditorio de Galicia, ás 20:30 horas. A batuta levaraa o mestre polaco Antoni Wit, que xa se puxo á fronte da orquestra en anteriores ocasións.

O Consorcio de Santiago ten en marcha dúas convocatorias de axudas destinadas á mellora dos edificios da cidade histórica de Santiago. Trátase, por un lado, do programa Ter é manter, co que se busca o mantemento e mellora da eficiencia enerxética da envolvente exterior dos inmobles. E, por outro lado, o dirixido de maneira específica á rehabilitación de carpinterías de madeira e reixas de cara a optimizar a eficiencia enerxética das vivendas, co consecuente aforro económico para os cidadáns,...

Durante a pasada semana, a Policía Local realizou controis do uso do cinto de seguridade e dos sistemas de retención infantil, no marco dunha nova campaña de vixilancia da Dirección Xeral de Tráfico. Os/as axentes inspeccionaron 2.578 vehículos, rexistrándose nove infraccións.

Xa está todo listo para a segunda edición do festival Alguén que respira!, organizado pola Concellaría de Acción Cultural, en colaboración coa Consellería de Cultura e Turismo. No evento, que se celebrará no Teatro Principal do 21 ao 23 de marzo, daranse cita algunhas das voces máis poderosas da poesía contemporánea do panorama internacional. As entradas para as diferentes actividades do festival son de balde, e poderanse retirar na billeteira do propio Teatro Principal a partir de mañá martes,...

Este domingo celebrouse o desfile do Entroido que fora adiado o pasado día 5 por mor do mal tempo. Os participantes concentráronse na avenida de Ferrol para logo desfilar polas rúas de Frei Rosendo Salvado, praza Roxa, República do Salvador, Hórreo, Senra e avenida de Xoán Carlos I. A entrega de premios celebrouse no Teatro Principal.

A Xunta de Goberno aprobou hoxe dúas modificacións do orzamento prorrogado, unha por algo máis de 123.000 euros e a outra por 87.000. Parte dese orzamento será para as obras de Castrón Douro e para a redacción do proxecto de Clara Campoamor.

O Grupo de Cidades Patrimonio promociona a oferta turística, patrimonial e cultural das 15 cidades no Salon Mondial du Tourisme, que se celebra do 14 ao 17 de marzo en París. As Cidades Patrimonio apostan por un mercado de grande interese, xa que España mantense como destino internacional preferido dos franceses, cunha cota de mercado do 17,8% sobre o total de viaxes internacionais, seguida de Italia (12,7%), Bélxica e Luxemburgo (6,8%), Reino Unido (6,3%) e Alemaña (5,5%).

O Espazo Educativo e de Lecer María Miramontes acolleu esta mañá outra sesión de concertos de música tradicional que imparten Rosa Sánchez e Pablo Carpintero. Hoxe foi a quenda do alumnado de 5º e 6º de primaria do CEIP Monte dos Postes, que asistiu ao obradoiro ás 10:00 e 11:00 horas. En total participaron preto de 100 nenos e nenas.

A Casa do Cabido acolle, dende mediados do pasado mes de xaneiro, a exposición Nun recuncho de ningures, que reúne pezas do artista compostelán Salvador García-Bodaño Pereira, coñecido como RADU , realizadas con materiais reciclados. O derradeiro día para percorrela será o vindeiro martes, 17 de marzo. O horario da Casa do Cabido é de 10:00 a 14:00 e de 16:00 a 20:00 horas, de martes a sábado. Os domingos abre pola mañá, de 11:00 a 14:00 horas, e os luns...