Noticias

Os alcaldes de A Estrada, Boqueixón, Santiago, Silleda, Teo, Touro, Vedra e Vila de Cruces asinaron no Pazo de Raxoi un protocolo de colaboración para reforzar a promoción conxunta do Entroido Rural Tradicional da Ulla – Xenerais da Ulla, que foi declarado Festa de Interese Turístico de Galicia en 2013. A sinatura deste documento amosa o compromiso dos oito concellos en afondar na colaboración para a recuperación total desta festa tradicional e a súa consolidación como un atractivo turístico que poda aumentar a demanda en...

O Centro Sociocultural e Xuvenil do Ensanche acollerá este mércores, a partir das 19:30 horas, a primeira reunión plenaria do Pacto pola Mobilidade, na que se vai analizar un dos tres asuntos sectoriais previstos para estas xuntanzas: o da circulación. O concelleiro de Espazos Cidadáns, Dereito á Vivenda e Mobilidade explicou que de aquí a finais de febreiro celebraranse os outros dous plenarios, sobre modos brandos de transporte e transporte público. As conclusións destes encontros recolleranse nun documento que servirá de...

O concelleiro de Espazos Cidadáns, Dereito á Vivenda e Mobilidade anunciou este luns que o estacionamento disuasorio de Pontepedriña empezará a funcionar o próximo mércores. Nunha primeira fase, explicou Jorge Duarte, o aparcadoiro non estará regulado, porque "se van realizar enquisas para analizar o tipo de uso que se lle dá ao espazo, e tamén quen o utiliza". Eses datos serán tidos en conta á hora de poñer en marcha as medidas que se consideren máis efectivas para garantir a rotación...

O Goberno local vai abrir un procedemento negociado sen publicidade, pola vía de urxencia, para resolver a concesión dos comedores escolares para o que queda de curso escolar. Segundo a información dos servizos técnicos do Concello, a resolución do proceso realizarase nun prazo de dúas semanas. Mentres non se resolva o procedemento, está garantido que a prestación do servizo nos centros continuará con absoluta normalidade.

As obras de humanización de Montero Ríos entrarán o luns nunha nova fase, que obrigará a aplicar os primeiros cortes de tráfico. Os concelleiros de Espazos Cidadáns, Jorge Duarte, e Convivencia, Xan Duro, deron conta este venres dos principais cambios para a circulación, así como do calendario previsto para os traballos.

O alcalde de Santiago, Martiño Noriega, reunirase este vindeiro martes en Madrid coa ministra de Fomento en funcións, Ana Pastor. Esta xuntanza fora solicitada polo Goberno local ante os retrasos en actuacións vitais para Compostela, como o paso inferior de Conxo, ou a falta de información e avances respecto a proxectos como a intermodal ou os enlaces coa AP-9.

A Mesa polo Emprego aprobou no Pazo de Raxoi a Estratexia de Emprego do Concello para o período 2016 - 2020, que recolle os obxectivos, liñas e medidas que se desenvolverán nos vindeiros anos para dinamizar o mercado laboral de Santiago. O orzamento xeral previsto para o conxunto desta Estratexia será de 12.722.953 euros, dos cales 3.479.353 serán de aportación municipal e 9.243.600 doutras administracións. En conxunto, na elaboración desta estratexia participaron máis de 2.000 persoas.

A praza do Obradoiro acolleu unha concentración para condenar o último asasinato machista, que deixou este mércores unha vítima en Tarragona.

A concelleira de Facenda, María Rozas, presentou este xoves a proposta do Goberno para os orzamentos de 2016, proposta que xa lle foi aportada aos grupos da oposición nunha reunión celebrada esta mañá e que estivo presidida polo alcalde, Martiño Noriega. O proxecto presentado polo Goberno contempla un orzamento equilibrado en ingresos e gastos, por un total de 99.445.651,04 euros. O orzamento consolidado, o que incorpora as contas de Tussa, Incolsa e o Auditorio, achégase aos 106.612.666,65 euros.

A Asociación Cultural Francisco Asorey presentou este xoves na Casa do Concello o primeiro volume do catálogo de obras do escultor. Fíxoo a presidenta de dita Asociación, María del Carmen Asorey Abelleira, e o seu secretario, Vicente Pérez, acompañados da concelleira de Acción Cultural, Branca Novoneyra, xa que o Concello de Santiago colaborou na elaboración do traballo. Non existía unha catalogación das obras de Asorey e por iso, hai uns catro anos, dende a asociación decidiron comezar este traballo do que...