Noticias

A Casa das Mulleres, que se está a acondicionar no antigo local de Emuvissa, levará o nome de Xohana Torres. A decisión estaba adoptada dende hai meses, e fóralle xa comunicada á escritora antes do seu falecemento, o pasado 12 de setembro.
Así se recolle na declaración institucional aprobada no Pleno de hoxe, na que os catro grupos da Corporación fan constar o seu pesar polo pasamento de Xohana Torres e mostran a súa vontade de facerlle un último recoñecemento á traxectoria vital e profesional da autora....

No marco do programa Ter é manter, o Consorcio de Santiago vai destinar 150.000 euros a axudas para obras no exterior dos edificios da cidade histórica. O prazo para presentarse a estas axudas remata o vindeiro 23 de outubro.

O Pleno do Concello de Santiago aprobou o IV Plan de Igualdade (2017-2020), cos votos favorables de CA, PSdeG-PSOE e BNG e a abstención do PP. Entre os obxectivos deste Plan están o apoio a mulleres vítimas de violencia machista, o impulso da inserción laboral das mulleres en situación vulnerable e a mellora das súas condicións de traballo. O orzamento total é de 322.000 euros para un período de tres anos.

A concelleira de Deporte, Noa Morales, visitou esta mañá o campo de fútbol das Cancelas, onde se levaron a cabo obras durante os meses de verán. Ademais desta instalación, tamén se acometeron obras no polideportivo das Fontiñas. O Concello destinou a estas dúas obras preto de 100.000 euros, procedentes do remanente de tesourería.

Turismo de Santiago participa con dous mostradores na Tourismo Expo Japan 2017, a mostra de turismo máis importante de Xapón, que se celebra ente o 21 e o 24 de setembro en Tokio. O primeiro mostrador sitúase no stand de Turespaña, no pavillón de Europa. O segundo ubícase no pavillón xaponés, no stand da prefectura de Wakayama, grazas a colaboración conxunta entre a Santiago e Tanabe. Deste xeito, Santiago pode chegar tanto ás persoas interesadas en viaxar a España como ás que buscan a espiritualidade...

O Goberno local vén de enviarlle a Carmen Franco Polo un requirimento para que recoñeza que as estatuas do Mestre Mateo que conserva a súa familia na Casa Cornide da Coruña son propiedade do Concello de Santiago, e para que as poña a disposición da institución municipal no prazo máximo de quince días.

A Sala Capitol acollerá a inauguración da décimo cuarta edición de Curtocircuíto o sábado 30 de setembro ás 21:00 horas, nunha festa con entrada gratuíta protagonizada por Alex Augier e o dúo portugués Vive Les Cônes.

O proxecto Herdeiras, no que participa o Concello de Santiago, foi presentado este mércores en Raxoi nunha rolda de prensa na que participaron a primeira tenente de alcalde, María Rozas; o secretario xeral de Política Lingüística, Valentín García; a creador do proxecto, Carme Penim, e a coreógrafa Xiana Vilas. Herdeiras conta historias de mulleres que quedaron silenciadas logo da Guerra Civil. Estréase este sábado 23 de setembro, ás 20:00 horas, no Teatro Principal.

O alcalde, Martiño Noriega, e o subdelegado do Goberno na Coruña, Jorge Atán, presidiron este mércores unha reunión da Xunta Local de Seguridade, convocada a petición do Concello.

O alcalde de Santiago, Martiño Noriega, e a concelleira de Igualdade, Desenvolvemento Económico e Turismo, Marta Lois, visitaron esta mañá a escultura de forxa Ríos de Ferro. A gran onda, realizada por máis de 40 ferreiros e ferreiras. Na visita estiveron os artistas Óscar Aldonza e Santiago Martínez, así como os voceiros do PSOE e o PP, Paco Reyes e Agustín Hernández.