Noticias

O turismo internacional continúa crecendo en Santiago dun xeito considerable. No pasado mes de marzo alcanzáronse as 22.966 pernoctacións, segundo os datos do INE. Esta cifra supón un crecemento do 45,71% respecto de marzo do ano pasado, cando o número de pernoctacións foráneas foi de 15.761. Trátase do mellor dato de turismo internacional no mes de marzo na serie histórica do INE que comeza no 2005.

A Concellería de Educación organiza este sábado 25 de abril unha sesión de contos especialmente deseñada para nenos e nenas de entre 0 e 3 anos, acompañados das súas familias, baixo o lema "Do Berce á Lúa", dentro da programación da XV Campaña Municipal de Animación á Lectura, que comprende diferentes actividades.

O alcalde, Agustín Hernández, e a concelleira de Deportes, María Corral, asistiron á exhibición previa ao Campionato de España de Enduro, que se celebra este sábado e domingo en Santiago de Compostela. As motos participantes permaneceron este venres nun parque pechado na praza do Obradoiro, onde os afeccionados puideron coñecer tamén os 184 pilotos que competirán nos circuítos habilitados nas inmediacións do Estadio de San Lázaro e no Monte do Gozo.

O alcalde compostelán, Agustín Hernández, participou en San Martiño Pinario no acto institucional de apertura das XIV Xornadas Nacionais de Lares-Acolle (Federación de Residencias e Servizos de Atención aos Maiores e Asociación Galega de Residencias de Anciáns de Iniciativa Social). Xa pola tarde, o rexedor recibiu os comités organizador e científico e aos relatores no Pazo de Raxoi.

A segunda edición de Compostela Gastronómica consolidou o Festival como evento de referencia para a cociña galega. Os seus protagonistas foron os cociñeiros composteláns e galegos, que encheron os 27 obradoiros de cociña que houbo na Aula Gastronómica do Mercado de Abastos. Os talleres, cun formato reducido de 35 prazas para que os asistentes puidesen degustar as propostas dos cociñeiros, roldaron os mil asistentes, cubrindo practicamente a totalidade das prazas ofertadas.

A concelleira de Deportes, María Corral, presentou en rolda de prensa a terceira proba do Campionato de España de Enduro, que se se celebrará o venres 24, sábado 25 e domingo 26 en Santiago de Compostela. Un circuíto nas inmediacións do Estadio de San Lázaro e outro no Monte do Gozo acollerán as diferentes especiais, nas que participarán 184 pilotos.

A primeira carreira nocturna SantYaGo10K premiará á empresa, asociación ou club con maior número de participantes que completen os dez quilómetros do percorrido. Ademais, para fomentar a participación feminina, haberá un premio específico para a empresa, asociación ou club con maior número de mulleres que acaben a carreira. En ambos casos, o premio será de 150 euros.

A concelleira de Economía, Reyes Leis, asistiu á apertura da sétima edición en Santiago de Compostela de Getting Contacts, celebrada na Cidade da Cultura. O evento contou coa participación de 148 empresas e profesionais.

A Real Filharmonía de Galicia (RFG) celebra esta semana dous concertos didácticos dirixidos a estudantes de primaria e secundaria no Auditorio de Galicia. O primeiro foi este xoves e o segundo será mañá venres ás 11:00 horas. Ademais, o sábado 25, ás 19:00 horas, a orquestra ofrecerá a mesma actuación, nesta ocasión dirixida ao público familiar, na Cidade da Cultura, no Museo Centro Gaiás. A batuta destes concertos levaraa o mestre romanés Mihnea Ignat, director titular e artístico da...

O ciclo Blues Nite by 1906 ofrece este venres un concerto con Laurence Jones, na que é a primeira visita a España deste imparable talento. Jones, con só 22 anos de idade, non tardou en facerse un nome propio na escena do blues europeo. Poderemos escoitalo a partir das 21:30 horas na Sala Capitol. As entradas teñen un prezo de 10 euros anticipada e 15 € o día do concerto e poden mercarse no despacho de billetes do Teatro Principal (aberto de 18:00 a 21:00 horas), en Ticketea, Miranda, A Reixa Tenda ou salacapitol.com Ademais, o concerto está dentro do...