Noticias

A concelleira de Cultura e Centros Socioculturais, Socorro García Conde; o alcalde de Oleiros, Ángel Seoane; e o presidente do Seminario Galego de Educación para a Paz, Manuel Dios, visitaron no Centro Sociocultural de Vite a mostra de fotografía Morrer de infancia, que se enmarca dentro da programación cultural do Foro 2010, que durante este mes ten lugar en Santiago de Compostela.

O alcalde compostelán, Xosé A. Sánchez Bugallo, acompañou ao delegado do Goberno en Galicia, Antón Louro, e ao xefe da Demarcación de Estradas do Estado en Galicia, Ángel González del Río, nunha visita ás obras do paso inferior para catro carrís do Hórreo. A visita coincidiu coa finalización da escavación dos dous túneles.

A Casa do Concello acolleu a tradicional recepción cidadá do Nadal, ofrecida polo alcalde compostelán, Xosé A. Sánchez Bugallo. Á cita acudiron, ademais da Corporación, persoas dos distintos sectores da sociedade compostelá.

A Xunta de Goberno aprobou nunha sesión extraordinaria o proxecto de orzamento do Concello de Santiago para 2011, que sofre unha baixada do 9,22% con respecto ao exercicio 2010, como consecuencia da baixada das transferencias de capital e o "endebedamento 0" no marco do plano de equilibrio financeiro aprobado no seu día.

A concelleira delegada de Benestar Social e Igualdade, Mar Martín, inaugurará o mércores 22, ás 20:00 horas, no Centro Sociocultural de Conxo, a exposición fotográfica "Un pé na rúa". A mostra reúne un cento de traballos realizados polos mozos e mozas do barrio durante a súa participación nas actividades do programa educativo municipal de Educadores de Rúa. No acto entregaranse tamén os Premios Conxo FM, o programa de radio en liña que elaboran os propios rapaces cada semana.

A compañía de monicreques Galitoon, que tivo que cancelar as funcións dos días 4 e 6 de decembro por problemas de saúde dun dos protagonistas, estará no Principal representando Basilio, o meu amigo imaxinario os días 22 e 30 deste mes con dobre sesión cada día: ás 17:30 e ás 19:30 horas. Trátase dun espectáculo que aposta polo gran formato cunha historia que mestura personaxes de carne e óso con monicreques.

O alcalde compostelán, Xosé A. Sánchez Bugallo, asistiu en Madrid ao acto de sinatura do convenio de colaboración para a restauración do Pórtico da Gloria e do seu entorno entre o arcebispo de Santiago, Julián Barrio, e o ministro de Fomento, José Blanco. Estas obras financiaranse con cargo aos fondos xerados para o 1% Cultural pola contratación de obra pública.

O xoves, 23 de decembro inaugúrase o programa Nadalxogo 2010, unha atractiva oferta de actividades dirixidas ao público infantil e xuvenil de Compostela. Todos os días, agás o 24 e o 31 de decembro, o Multiúsos de Sar abrirá as súas portas en horario de 17:00 a 21:00 horas a un mundo de lecer con obradoiros, teatro, contacontos e deportes, no que as familias compostelás atoparán un espazo ideal onde compartir estas singulares festas.

A Concellería de Benestar Social e Igualdade presta o seu apoio á Campaña de Sensibilización sobre os Dereitos Sexuais e os Dereitos Reprodutivos. O obxectivo desta iniciativa é sensibilizar sobre esta cuestión a través de diversas ferramentas e espazos de participación.

A concelleira de Benestar Social e Igualdade, Mar Martín, compareceu acompañada de dúas rapazas de Fontiñas e Conxo para dar a coñecer as actividades que se viñeron realizando no marco do programa de Educadores de Rúa. Entre as mesmas, destacaron o programa radiofónico dos mozos e mozas de Conxo e o xornal elaborado en Fontiñas.