Noticias

O túnel do Hórreo foi escenario dun simulacro de accidente no seu interior. Os exercicios de adestramento realizáronse entre a 01:09 e as 02:00 horas da madrugada. Neste simulacro participaron equipos de Bombeiros, Policía Local, Protección Civil, Cruz Vermella, 061 e da empresa adxudicataria do mantemento do túnel.

O cineasta británico Peter Greenaway será o protagonista do fin de semana inaugural de Curtocircuíto, e terá a súa primeira cita o vindeiro sábado 30 de setembro no Auditorio Abanca (rúa do Preguntoiro) ás 18:00 horas, cunha proxección na que presentará as súas pezas Intervals (1969), H is for House (1973), Water wrackets (1975) e A walk through H: The reincarnation of an ornithologist (1978). A continuación, o director participará nun coloquio co...

O concelleiro de Espazos Cidadáns, Dereito á Vivenda e Mobilidade, Jorge Duarte, visitou a exposición de vehículos eléctricos que organizaron as empresas da cidade Caeiro, Yáñez, Compostela Concesionario e Vectia no marco da Semana da Mobiidade. A mostra está aberta hoxe martes na Alameda de 10:00 a 14:00 e de 17:00 a 20:00 horas.

A concelleira de Deporte, Noa Morales, presentou a XVI Camiñada ao Pedroso, unha andaina solidaria a beneficio de Unicef que se celebrará o domingo 1 de outubro ás 10:00 horas, con saída da praza do Obradoiro e chegada á Granxa do Xesto. Na rolda de prensa tamén participaron Iñaki Bilbao, presidente da sección de montaña do Club Deportivo Fontiñas, e Irene Marín, en representación de Unicef en Santiago.

A festa Máis de 55 anos vivindo o Ensanche consolídase nesta terceira edición e amplía ata tres os días de actividades. O alcalde presentou hoxe a programación, acompañado do presidente da Asociación de Veciños Raigame, Xaquín Mato; do secretario de Santiago Centro, Delmiro Prieto; e da presidenta de Em-Rede, Eva López. A festa celebrarase os días 29 e 30 de setembro e 1 de outubro.

O Consorcio de Santiago acaba de publicar a resolución do proceso selectivo para a provisión da praza de director/a técnico/a da Real Filharmonía de Galicia (RFG). Sabela García Fonte foi finalmente a seleccionada entre o total de 11 aspirantes que se presentaron á convocatoria.

O Curso Avanzado de Especialización Orquestral (CAEO) impártese na Escola de Altos Estudos Musicais, en Santiago, e está recoñecido como título propio de posgrao pola Universidade de Santiago de Compostela. Diríxese a músicos instrumentistas con titulación superior que teñan como meta adquirir a formación e a experiencia necesarias para integrarse nunha orquestra profesional.

O grupo de Cidades Patrimonio da Humanidade estivo presente na Feira JATA 2017, celebrada en Tokio (Xapón) do 21 ao 24 de setembro. Esta é a feira de turismo máis importante do país nipón. Santiago de Compostela puido promocionarse xunto co resto de Cidades Patrimonio dentro do stand de Turespaña.

O próximo mércores, 27 de setembro, celébrase o Día da Accesibilidade dentro da Semana da Mobilidade, e o Concello e Cogami queren aproveitar a data para reivindicar "un modelo de mobilidade que sexa igual para toda a cidadanía, independentemente das súas condicións físicas". Así o explicou o concelleiro de Espazos Cidadáns, Dereito á Vivenda e Mobilidade, Jorge Duarte, na rolda de prensa na que presentou as actividades e na que estivo acompañado por Susi Pérez, representante da...

A concelleira de Economía e Facenda, María Rozas, deu conta esta mañá do comezo da última fase dos orzamentos participativos de 2018, cuxo período de votación estará aberto ata o vindeiro 15 de outubro. A veciñanza pode decidir en que se invisten 1,5 millóns de euros de orzamento municipal, dividido en catro zonas da cidade e en actividades para festas do Apóstolo 2018 e mocidade.