ALCALDÍA E MEDIO RURAL
O alcalde e Ferusa acordan impulsar un "pacto polo rural" que garanta o reequilibrio territorial
O alcalde e Ferusa acordaron avanzar nun "pacto polo rural", que defina "un mínimo de investimentos nas parroquias co obxectivo de garantir o reequilibrio territorial". Foi no transcurso da reunión que Martiño Noriega mantivo hoxe coa directiva da Federación de Asociacións de Veciños do Rural de Santiago, e na que tamén participou o concelleiro de Medio Rural, Mantemento e Obras para o Reequilibrio Territorial, Rafael Peña.
POLÍTICAS SOCIAIS
Recepción ás persoas participantes no IV Encontro de Economía Social para Novos Investigadores
A concelleira de Políticas Sociais, Concha Fernández, asistiu á inauguración do IV Encontro REJIES, para novas e novos investigadores en Economía Social, celebrada na Facultade de Ciencias Políticas. As persoas participantes no encontro REJIES foron recibidas posteriormente pola propia concelleira no Pazo de Raxoi.
POLÍTICAS SOCIAIS E MOCIDADE
Catro novos murais de arte urbana recuperan espazos de Compostela
As concelleiras de Políticas Sociais, Concha Fernández, e de Mocidade, Noa Morales, visitaron este martes dous dos catro novos murais elaborados durante as últimas semanas na nosa cidade, dentro da II edición de Muralismo en Compostela.
MEDIO AMBIENTE
Concello, Hostalería e Compostela Inserta únense para a recollida de aceite vexetal usado
A Concellaría de Medio Ambiente, a Asociación Hostalería Compostela e a empresa de inserción laboral Compostela Inserta asinaron este martes un convenio de colaboración para a recollida de aceites usados na hostalería. Para difundir esta campaña repartirase entre os hostaleiros e hostaleiras unha serie de documentos para concienciar sobre a necesidade da reciclaxe deste tipo de residuos.
CONVIVENCIA
O concelleiro de Convivencia recoñece a traxectoria do xefe da Policía Local, condecorado no día de hoxe
O concelleiro de Medio Ambiente e Convivencia, Xan Duro, salientou hoxe a labor do Xefe da Policía Local de Compostela, Xosé Manuel Traba, a quen hoxe recoñeceu a Policía Nacional no día do seu patrón.
ACCIÓN CULTURAL
Catorce concertos conforman o Ciclo de Outono da Banda Municipal de Música de Santiago
Do 8 de outubro ao 30 de decembro, a Banda Municipal de Música de Santiago ofrecerá 14 concertos en diferentes espazos da cidade. Alén do Auditorio de Galicia e o Teatro Principal, escenarios habituais das dúas actuacións, a banda ofrecerá dous concertos nos barrios, un na praza do Obradoiro e outro na Catedral de Santiago.
CONSORCIO
A Real Filharmonía de Galicia pon en escena a ópera "A sonámbula", de Bellini, en versión concerto
A Real Filharmonía de Galicia porá en escena esta semana a ópera A sonámbula, do compositor italiano Vincenzo Bellini, en versión concerto. A orquestra ofrecerá dúas actuacións, o venres 6 na súa sede, o compostelán Auditorio de Galicia, ás 20:30 horas; e o domingo 8 no Teatro Afundación de Vigo, ás 19:30 horas. Estes concertos son unha coprodución da Real Filharmonía de Galicia e o Outono Lírico de Amigos da Ópera de Vigo, en colaboración con Amigos da...
MOCIDADE
O Centro Xove da Almáciga programa 23 actividades para o último trimestre
A concelleira de Mocidade, Noa Morales, presentou as actividades do Centro Xove da Almáciga para os meses de outubro, novembro e decembro. En total serán 23 talleres de diversas disciplinas e todos de balde.
ALCALDÍA
O alcalde reivindica "a unión universal e eterna" de Roma e Santiago
O alcalde, Martiño Noriega, reivindicou hoxe que "a diversidade é o verdadeiro valor do Camiño de Santiago, nun mundo cada vez máis interconectado no que non debemos ceder ás tentacións da uniformidade". Foi durante a inauguración do festival "Remover Roma con Santiago", na igrexa San Pietro in Montori da capital italiana.
