ALCALDÍA
Importantes avances no convenio de Bando
A reunión que mantivo o mércores 4 en Madrid o alcalde compostelán, Xosé A. Sánchez Bugallo, co Secretario de Estado de Defensa, Francisco Pardo Piqueras e o Director Xeral de Infraestruturas de Defensa, Julián Sánchez Pingarrón, permitiu avanzar nunha solución para que os terreos de Bando pasen a ser de titularidade municipal a través dun convenio que podería firmarse a finais de ano.
CULTURA
O teatro protagoniza a oferta cultural de outubro
O mes de outubro chega cargado de teatro, con varias representacións, entre as que destaca, destaca a de "Hamelin", a premiada obra que Animalario trae ao Teatro Principal. Tampouco faltará o cine, a música ou o circo.
CENTROS SOCIOCULTURAIS
A biblioteca de Fontiñas estrea espazo e convértese na mellor dotada da rede de centros socioculturais
O Centro Sociocultural de Fontiñas ven de estrear novo espazo para a súa biblioteca. A terceira planta do edificio acaba de reformarse para darlle cabida aos fondos bibliográficos do centro. Ata o de agora a biblioteca ocupaba de forma provisional unha estancia reducida no primeiro andar. Con este novo espazo de 250 metros cadrados, os usuarios de Fontiñas teñen á súa disposición a biblioteca mellor dotada de todas as que integran a Rede de Centros Socioculturais da cidade.
PROMOCIÓN ECONÓMICA
O Concello achega 84.000 euros ás asociacións de comerciantes das cidade
A Concellaría de Promoción Económica e Comercio, representada polo seu titular, Xosé Manuel Iglesias, asinou os convenios de colaboración coas entidades asociativas do comercio da cidade: Acotés, Compostela Monumental, Mercado de Abastos e Santiago Centro. Os acordos contemplan unha liña de axudas por un total de 84.000 euros.
ALCALDÍA
Sánchez Bugallo salienta o compromiso coa liberdade e os valores humanos de Ramón Rubial no centenario do seu nacemento
Ata o 14 de outubro o Centro Sociocultural José Saramago, en Vite, acollerá a exposición "Ramón Rubial. 100 anos de compromiso. 1906-2006", da Fundación Rubial-Españoles en el Mundo. A mostra, que conmemora o centenario do nacemento deste obreiro e político, foi inaugurada polo alcalde compostelán, Xosé A. Sánchez Bugallo.
ALCALDÍA
O Lobelle de Santiago entregoulle ao alcalde un carné honorífico
Antes do comezo do partido contra o DKV Seguros Zaragoza, o Autos Lobelle de Santiago FS entregou ao alcalde compostelán, Xosé A. Sánchez Bugallo, un carné honorífico do club da temporada 2006-2007, que vén de comezar.
ALCALDÍA
Alcalde e veciños confían en que as obras no Sunp-12 de Lamas de Abade se poidan iniciar en marzo
O alcalde compostelán, Xosé A. Sánchez Bugallo, e os propietarios de terreos de Lamas de Abade asinaron un convenio de colaboración urbanística cun claro obxectivo: garantir que as persoas que compraron, e que compararán, vivendas no Sunp-12, teñan suficientes garantías de que as obras previstas no polígono van saír adiante.
CONSORCIO
Galicia e Portugal intercambian experiencias en torno á creación contemporánea
O Consorcio de Santiago e A Chocolatería queren abrir espazos de difusión da arte contemporánea no contexto Atlántico. Neste marco desenvolveranse os "Diálogos ibéricos", un grupo de obradoiros para fomentar o intercambio entre artistas galegos e portugueses. Trátase de fomentar un diálogo que traspase a fronteira nun campo, a arte, no que historicamente non se deu o mesmo contacto que se produce neutros ámbitos culturais e económicos.
TURISMO
Santiago, un modelo tamén para Alemaña
O concelleiro de Turismo, Francisco Candela, recibiu na Casa do Concello a unha delegación de parlamentarios de Baviera (Alemaña), interesados en coñecer algunhas das iniciativas desenvolvidas no noso Concello.
XUNTA DE GOBERNO
Dous estudos definirán antes de fin de ano as actuacións arquitectónicas para as ARI de Vista Alegre e Pontepedriña
A Xunta de Goberno local aprobou a adxudicación das dúas asistencias técnicas que redactarán os estudos previos de directrices e solucións arquitectónicas para as áreas de rehabilitación integral (ARI) de Vista Alegre e Pontepedriña. Estes informes permitirán facer un diagnóstico preciso das actuacións a realizar e informar aos veciños sobre as mesmas.