Noticias

O concelleiro de Medio Ambiente e Convivencia, Xan Duro, e o xefe do Servizo de Extinción de Incendios e Salvamento, Manuel Sanmartín, presentaron hoxe os dous vehículos do parque que veñen de ser renovados, "dentro dun plan que continuará nos próximos meses e que ten como obxectivo modernizar o corpo coa vista posta no Xacobeo de 2021", en palabras do edil. Desta vez actuouse no camión cisterna de 13.000 litros e no autobrazo de 42 metros, que foron acondicionados cun investimento de preto de 40.000 euros".

O Consorcio de Santiago ten en marcha unha nova convocatoria do programa Ter é manter, dirixido ao mantemento e mellora da eficiencia enerxética da envolvente exterior dos edificios da cidade histórica de Santiago, por un importe global de 150.000 euros. O prazo para solicitar estas axudas remata o vindeiro 25 de marzo.

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional.

O Goberno local vén de recorrer hoxe, ante a Audiencia Provincial de Madrid, a sentenza que lle outorga á familia Franco a propiedade das estatuas do Mestre Mateo que o Concello acreditou ter comprado ao Conde de Ximonde no ano 1947. O recurso de apelación fai unha crítica a tres dos argumentos da sentenza de primeira instancia: o que sinalaba que non quedara demostrada a entrega das estatuas ao Concello, o relacionado á identificación das pezas, e o que apela ao usucapión para determinar que as figuras pertencen aos Franco polo tempo...

O Meco preside xa dende o Pazo de Bendaña o Entroido compostelán, que se prolongará ata o mércores 6 de marzo. A carón do boneco, Manuel Jabois foi o encargado nesta edición de dar o pregón co que se abriu esta celebración festiva.

Os equipamentos deportivos e sociais de Figueiras van ser sometidos a unha importante mellora, que solucionará os seus problemas de accesibilidade e filtracións de auga. A Xunta de Goberno adxudicou hoxe o contrato para executar ás obras, que custarán algo máis de 255.000 euros procedentes do POS+ 2018 da Deputación da Coruña.

A concelleira de Deporte, Noa Morales, presentou esta mañá os detalles do Campionato de España Sénior de Loitas Olímpicas, que acolle o noso municipio os días 1 e 2 de marzo en Santa Isabel. Na rolda de prensa tamén participaron o presidente da Federación Española de Loitas Olímpicas, Francisco Javier Iglesias, e o director técnico da Federación Galega, Pablo Pintos.

O aeroporto Rosalía de Castro-Lavacolla estrea hoxe unha nova oficina de información turística, froito da colaboración entre o Concello de Santiago, a Consellería de Cultura e Turismo, AENA e o Ministerio de Fomento. Trátase dunha instalación que estará atendida por persoal de Turismo de Santiago e que "será a mellor carta de presentación da nosa cidade e do noso país para os milleiros de persoas que chegan a Galicia a través do aeroporto compostelán", en palabras do alcalde, Martiño...

A Xunta de Goberno aprobou hoxe, a proposta de Alcaldía, a declaración de lesividade para o interese público dos pregos que rexeron a contratación do servizo de dirección pedagóxica, docencia e organización das actividades da Escola Municipal de Música. Martiño Noriega explicou que se abre agora un prazo de dous meses no que o propio Concello deberá impugnar os pregos diante da xurisdición contencioso-administrativa.

O prazo de inscrición e matricula no Programa Municipal de Conciliación para a Semana Santa estará aberto do 15 ao 29 de marzo, ambos días incluídos. As actividades desenvolveranse nos CEIPs Monte dos Postes e Raíña Fabiola, os días 15, 16, 17 e 22 de abril.