Noticias

O Festival Internacional Galicreques celebrará a súa 22ª edición entre o 14 e o 22 de outubro, cunha ampla programación con máis de 40 funcións e que contará cun marcado carácter internacional, ao traer a Compostela un total de 26 compañías procedentes de Arxentina, Chile, Francia ou Portugal, ademais de formacións galegas e do resto do Estado.

A concelleira de Políticas Sociais, Concha Fernández, participou nos actos con motivo da celebración do Día Mundial da Saúde Mental, celebrados no Matadoiro Compostela. Coa concelleira tamén estivo Mar Piñeiro, presidenta da Asociación Fonte da Virxe, que reúne a familiares, amigos e persoas con enfermidades mentais. No Matadoiro expuxéronse traballos de pintura feitos por membros da Asociación e presentouse un vídeo elaborado por un equipo de técnicos que seguiu durante o verán as actividades...

O Grupo de Cidades Patrimonio da Humanidade, entre as que está Santiago de Compostela, participou no III Encontro Europeo de Asociacións de Patrimonio Mundial, celebrado en Lübeck (Alemaña). A este evento sumáronse cen representantes de asociacións e bens do Patrimonio Mundial chegadas de 15 países. A organización do Encontro correu a cargo da Asociación Alemana de Bens Patrimonio Mundial, o Comité Alemán da Unesco e o Concello de Lübeck.

O proxecto docente co que naceu aCentral Folque hai máis de quince anos (daquela baixo o nome de Conservatorio de Música Tradicional e Folque) abre un ano máis as súas aulas. Agora denominado Escola de Música Popular e Avanzada (EMPA), ofrece un lugar para a aprendizaxe, a práctica e a relación arredor da música de raíz galega cun enfoque contemporáneo e aberto. A concelleira de Acción Cultural, Branca Nonoveyra presentou esta mañá na Casa do Concello o programa do novo curso en compaña de Marcos...

O Concello de Santiago vén de aprobar recentemente as bases para oferta de emprego por oposición libre de persoal administrativo e persoal para o servizo de extinción de incendios. Nos próximos días serán publicadas no BOP e o prazo de presentación de instancias será de 20 días naturais dende o día seguinte a súa publicación.

A concelleira de Mocidade, Noa Morales, presentou as obras para a habilitación de locais de ensaio no Centro Xove da Almáciga. O obxectivo destes traballos, que xa comezaron hai uns días, é ofrecer un lugar de ensaio de calidade para as bandas e grupos de Santiago, que actualmente ensaian nas instalacións do Estadio de San Lázaro. Prevese que os novos espazos estean listos nun mes e medio.

O Auditorio de Galicia acolleu unha nova xuntanza do renovado Consello Municipal de Turismo. Na orde do día tratáronse tres puntos destacados: análise dos principais resultados turísticos do 2017, presentación das principais liñas de traballo para a elaboración do Plan Estratéxico de Turismo 2017-2022, e presentación por parte do catedrático Luis Caramés do seu informe sobre a Taxa Turística.

A Real Filharmonía de Galicia ofrecerá esta semana dous concertos. O primeiro celebrarase mañá martes no Teatro Afundación de Vigo, ás 20:30 horas. E o mércores, tamén ás 20:30 horas, a orquestra tocará en Santiago, na súa sede, o Auditorio de Galicia. A batuta de ámbolos dous concertos levaraa o mestre compostelán Maximino Zumalave, director asociado da agrupación.

No marco do programa Ter é manter, dirixido ao mantemento e mellora da eficiencia enerxética da envolvente exterior dos edificios da cidade histórica de Santiago, o Consorcio de Santiago vai destinar un total de 150.000 euros. O prazo para presentarse a estas axudas remata o vindeiro 23 de outubro.

O Boletín Oficial da Provincia publica es luns as bases para o proceso selectivo da dirección e do persoal veterinario do Refuxio de Animais de Bando, aprobadas no Padroado da entidade celebrado o 30 de agosto. As solicitudes poderanse presentar no prazo de trinta días.