Noticias

A Concellería de Cultura continúa coa programación de Imos de excursión 2015. Nesta ocasión programouse unha viaxe de tres días a Estremadura, onde os participantes visitarán a cidade de Mérida, a comarca de La Serena e Almendralejo, os días 1, 2 e 3 de maio.

O alcalde de Santiago asistiu na Aula Gastronómica da Praza de Abastos á Xornada de detección e prevención do risco cardiovascular organizada pola Asociación Galega de Enfermería Familiar e Comunitaria (Agefec). Como outras persoas que se achegaron ata as instalacións, Agustín Hernández someteuse a unhas probas para avaliar a súa saúde cardiovascular.

O luns 13 de abril arranca a segunda fase das obras de Basquiños. Por este motivo péchase ao tráfico a rúa Basquiños dende o cruce con Espírito Santo e ábrese o tramo dende a travesa dos Basquiños ata a praza da Paz. As obras de urbanización do tramo entre Santa Clara e Basquiños teñen un importe de 340.310 euros e un prazo de cinco meses e completan as xa rematadas do tramo entre Basquiños e Pastoriza.

A concelleira de Deportes, María Corral, entregou os trofeos do II Torneo de Ximnasia Rítmica Viravolta Santiago, organizado por este club en colaboración coa Concellería de Deportes e que se desenvolveu ao longo do sábado no Pavillón Municipal de Santa Isabel.

A Corporación celebrou un pleno extraordinario no que se deu conta da liquidación do orzamento de 2014, que reflicte un superávit de case 1,9 millóns de euros. Esta cantidade, sumada ao aforro de 1,2 millóns de euros polo refinanciamento do crédito ICO solicitado en 2012 e ás baixas nas adxudicacións dalgúns proxectos, permitirá habilitar créditos por 3,1 millóns de euros, parte dos cales se destinarán a un novo contrato de pavimentación e a novos proxectos comerciais, turísticos e...

A Xunta de Goberno acordou poñer a disposición da Consellería de Cultura, Educación e Ordenación Universitaria un terreo de 3.226 metros cadrados na parroquia de Villestro, lindando co CEIP de Roxos, para a ampliación das súas instalacións grazas á construción de novas aulas e áreas de servizos.

Na sesión ordinaria da Xunta de Goberno deuse conta das actividades concedidas pola Secretaría Xeral de Cultura dentro do programa Ler conta moito, orientado á dinamización da lectura para as bibliotecas integradas na Rede Pública de Bibliotecas de Galicia.

O alcalde de Santiago, Agustín Hernández, anunciou a sinatura dun novo convenio do Concello co Colexio de Avogados de Santiago para renovar o servizo de mediación a través desta entidade, dirixido a comerciantes e propietarios para intentar acadar acordos na renovación dos seus contratos de aluguer. A Xunta de Goberno acordou dedicar 30.000 euros ao servizo durante este exercicio, dando continuidade a convenio no pasado mes de novembro por un importe de 5.000 euros.

A Xunta de Goberno acordou solicitar a reposición das catro prazas vacantes na Policía Local ante o Ministerio de Facenda e Administracións Públicas. As mesmas están incluídas nas 30 prazas de oferta de emprego público municipal para o ano 2015.

Dentro da programación cultural desta fin de semana teremos catro propostas, dúas sábado e dúas domingo, de teatro, danza, música e un espectáculo familiar. Na xornada do sábado, a compañía Entremáns presenta ás 18:30 horas, no Teatro Principal, Xoga, un espectáculo de danza dirixido aos máis pequenos da casa enmarcado dentro do ciclo de Danza e do Infantil & Familiar. Xa ás 20:30 horas e na Zona C teremos, dentro do Bono de Teatro Galego e Portugués, a segunda parte da...