Noticias

O concelleiro de Festas, Xosé Baqueiro, presentou en rolda de prensa a festa de Noitevella, un espectáculo multimedia e pirotécnico organizado en colaboración co Consorcio de Santiago para despedir o Ano Santo e dar a benvida ao 800 aniversario da consagración da Catedral de Santiago, que se celebrará durante o 2011. O orzamento da actividade é de 60.000 euros.

O concelleiro de Promoción Económica e Turismo, Xosé Manuel Iglesias, compareceu en rolda de prensa para valorar o novo mapa aéreo das liñas de baixo custe que onte deu a coñecer a Xunta de Galicia. Iglesias destacou que a Xunta remata o ano como o comezou, lembrando que "comezouno promocionando o Ano Santo coa Torre de Hércules e celebrando a súa inauguración en Mondariz", continuou "promovendo unha política de congresos na que primaban os non realizados en Santiago e sacando unha campaña de...

A compañía de monicreques Galitoon, que tivo que cancelar as funcións dos días 4 e 6 de decembro por problemas de saúde dun dos protagonistas, estará no Principal de novo representando Basilio, o meu amigo imaxinario o xoves 30, con dobre sesión, ás 17:30 e ás 19:30 horas. É a segunda xornada de Galitoon no Principal, logo das dúas funcións do 22 de decembro.

Co Nadal chega de novo Todo Lírica, un proxecto creado hai dez anos pola Concellaría de Cultura e a Asociación Galega da Lírica, e que dende a súa primeira edición baixo o nome de Festival de Zarzuela de Santiago xa deu exitosos froitos artísticos e de público. O ciclo segue o formato de recitais de voz e piano das anteriores edicións, e nesta ocasión, a do décimo aniversario, consta de tres concertos. Un sólido elenco de novos cantantes que atesouran prestixio e experiencia actuarán no escenario do...

O Obradoiro de Emprego Lousados de Compostela acaba de arrincar na súa cuarta edición coas clases teóricas de formación. Dende este mes de decembro, e durante ano, un total de nove alumnos recibirán formación especializada en materia de conservación de pavimentos históricos de pedra. A iniciativa está promovida polo Consorcio de Santiago e a Fundación Laboral da Construcción de Galicia, e conta co apoio financeiro da Xunta de Galicia e do Fondo Social Europeo.

Celebrouse a terceira e última xornada do festival de corais do Nadal. Numeroso público achegouse ao Teatro Principal para gozar coas interpretacións de cinco corais da cidade. O alcalde compostelán, Xosé A. Sánchez Bugallo, presidiu a velada, na que tamén se entregaron agasallos ás formacións participantes.

O alcalde compostelán, Xosé A. Sánchez Bugallo, recibiu o capitán da Garda Civil Arcadio Pérez Vázquez, quen dende o pasado mes é o responsable da Terceira Compañía de Santiago.

O concelleiro de Promoción Económica, Comercio, Emprego e Turismo, Xosé Manuel Iglesias, presentou a nova campaña de Compostela, Capital de Compras, que, baixo o slogan "Santiago é Camiño... tamén para as túas compras" busca consolidar o comercio compostelán como un referente da euro-rexión Galicia-Norte de Portugal. A Concellaría busca así investir na promoción do comercio da cidade. En concreto, serán 25.020 euros os dedicados a esta campaña e á de...

O alcalde, Xosé A. Sánchez Bugallo, mantivo unha reunión co presidente de Adif, Antonio González Marín, á que asistiron responsables da entidade e da que saíu "moi satisfeito" polos resultados acadados. No encontro quedou expresamente recollida a petición municipal de deixar prevista a conexión entre o Hórreo e o barrio de Pontepedriña, a conexión soterrada entre o Hórreo e a avenida Clara Campoamor, e a do Hórreo coa avenida de Lugo.

O alcalde de Santiago, Xosé A. Sánchez Bugallo, considera "profundamente inxusto" o reparto de axudas para os voos de baixo custo que anunciou a secretaria xeral para o Turismo, Carmen Pardo, posto que "non obedece a ningún criterio entendible desde o punto de vista da rendabilidade turística". Sánchez Bugallo non entende este reparto "salvo por razóns puramente locais e de orde inmediata", e lamenta que a Xunta "acceda a estes intereses curtopracistas".