Noticias

A concelleira de Educación, Mercedes Rosón, participou en Ferrol nunha nova reunión do grupo Concellos e Educación, integrado polos responsables educativos de Vigo, Santiago de Compostela, A Coruña, Lugo, Ourense, Pontevedra e Ferrol. Nesta quinta xuntanza acordouse o programa dunha xornada de traballo que se celebrará o 24 de marzo.

O domingo 27 de febreiro chega a Compostela Titzina Teatro dentro da programación de teatro da Concellaría de Cultura e Centros Socioculturais e enmarcada na Rede Galega de Teatros e Auditorios. Titzina Teatro, compañía catalana, presenta Exitus, unha historia na que múltiples personaxes e escenas se suceden de forma dinámica, poética e cun estilo traxicómico da man dos creadores Diego Lorca e Pako Merino. Titzina Teatro estará con dúas funcións, domingo e luns, ás 21:00 horas, no Teatro Principal.

O alcalde compostelán, Xosé A. Sánchez Bugallo, e o concelleiro de Turismo, Xosé Manuel Iglesias, compareceron en rolda de prensa para dar conta das negociacións mantidas por ambos con directivos da compañía aérea Easyjet. Do encontro saíu o compromiso dunha conexión entre Lavacolla e o aeroporto de Fuimicino (Roma), operativa dende o outono ou dende a primavera de 2012.

Presentouse en Raxoi a campaña que o Concello de Santiago desenvolverá para fomentar unha Convivencia guauuuu!. "Esta campaña estará activa a partir de principios de marzo pretende fomentar as boas prácticas en relación co espazo público e os animais", segundo explicou a concelleira de Medio Ambiente, Elvira Cienfuegos, que presentou os materiais e a imaxe da campaña xunto co concelleiro de Sanidade, Andrés Fariña, quen lembrou que "ao final, do que se trata e de lembrar o obrigado cumprimento dunha...

O Centro Sociocultural do Castiñeiriño foi o escenario escollido para o inicio do percorrido da exposición A memoria da xente por diversos barrios composteláns. A nova proposta impulsada pola rede de Centros Socioculturais pretende "continuar e potenciar as diferentes iniciativas relacionadas coa memoria viva da cidade", como teñen sido xa "as mostras A historia vai por barrios ou as publicacións promovidas polo movemento veciñal do Castiñeiriño, Conxo, A Sabugueira ou Marrozos", segundo...

O congreso Compostela 2021. A Cidade Intuída, organizado pola Concellaría da Cidade Histórica e Rehabilitación, introduciu na súa web www.acidadeintuida.org os contidos relacionados co apartado denominado "Territorio", referentes ás propostas sobre ríos, camiños e núcleos tradicionais.

O Pleno da Corporación aprobou unha proposición na que se demanda á Xunta a licitación dos centros de saúde do Casco Histórico e de Conxo. Tamén se ratificou un compromiso de realoxo dos afectados polas expropiacións do Grupo Quiroga Palacios, coñecido como Banco do Pobre, e outro con motivo da celebración do Día Internacional da Muller.

A concelleira de Circulación Viaria, Marta Álvarez-Santullano, e o xefe da Policía Local, Norberto Villaverde, fixeron balance de 2010 en materia de accidentes de tráfico. Por segundo ano, tras o acontecido en 2007, o ano pechouse con ningún falecido nas vías municipais.

O concelleiro de Xuventude, Xosé Baqueiro, presentou o EstudoXoven 2011, unha radiografía da mocidade de Compostela extraída de 1.500 entrevistas. O informe reflicte a escasa presenza na cidade da considerada xeración Ni-ni, ou sexa, a de aqueles mozos que nin traballan nin estudan. Por contra, si se constata unha xeración moi en contacto coas novas tecnoloxías.

A Xunta de Goberno aprobou os prazos de solicitude de renovación e novas admisións nas escolas infantís de Conxo e Fontiñas, as dúas de xestión municipal. Ademais, na mesma sesión adxudicáronse definitivamente as obras dos campos de fútbol de Belvís e San Lázaro.