URBANISMO
Enerxía a pedais en prol do aforro e dun urbanismo sostible
O alcalde compostelán, Xosé A. Sánchez Bugallo, inaugurou na praza Aurelio Aguirre de Conxo a Árbore Urbana promovida pola Asociación Sostibilidade e Arquitectura (ASA) en colaboración co Concello. Permanecerá instalada durante 15 días e pretende concienciar os cidadáns sobre o aforro enerxético e o urbanismo sostible.
TURISMO
A terceira edición de "Santiago(é)Tapas" alcanzou as 35.000 tapas consumidas por composteláns e turistas
A terceira edición de Santiago(é)Tapas rematou o 4 de xullo con 35.000 tapas consumidas nos 56 establecementos participantes, que ofertaron 109 creacións distintas, segundo os datos que presentou o concelleiro de Promoción Económica e Turismo, Xosé Manuel Iglesias. Ademais, repartíronse máis de 9.000 Tapasportes entre composteláns persoas procedentes de toda Galicia, España e países como Italia, Francia, Alemaña, Reino Unido, Portugal, EEUU ou Canadá.
FESTAS
Yolanda Castaño e Jorge Mira darán a benvida ás festas do Apóstolo
O concelleiro de Festas, Xosé Baqueiro, presentou o programa de festas do Apóstolo 2010. En pleno Ano Santo, as festas da cidade preséntanse con 16 días (16-31 de xullo) "cheos de grandes actuacións e concertos en diferentes escenarios da cidade, como a praza do Obradoiro, Quintana, Toural e Alameda", apuntou.
PARTICIPACIÓN CIDADÁ
Unha mostra fotográfica amosa o valor único das Cidades Patrimonio da Humanidade
A Casa das Asociacións acollerá ata o 31 de agosto a exposición fotográfica Cidades Patrimonio da Humanidade. Trece xoias de España. Esta mostra, organizada por La Fábrica e co patrocinio de Caja Duero, exhibe o retrato que destas cidades realizou o fotógrafo José Manuel Navia.
