Noticias

O concelleiro de Cultura, Ángel Currás, presentou a programación cultural para o mes de setembro acompañado da directora en funcións do Auditorio de Galicia, Silvia Modia. Currás destacou o comezo da temporada de abono coa ópera O Barbeiro de Sevilla; o Encontro de Peregrinos Musicais; o Ciclo de Lied e a exposición sobre Francisco Asorey na Fundación Gonzalo Torrente Ballester. Citou tamén os concertos da Banda de Música, varias citas teatrais, a programación da Biblioteca Ánxel Casal e as...

O Goberno local vén de adoptar varias medidas que suporán un aforro do 30% nos gastos do parque móbil do Concello de Santiago. Así o anunciou a concelleira Paula Prado, quen deu conta da redución de gastos que se producirá en conceptos como mantemento, seguros ou no uso dos vehículos municipais.

O Festival dos Abrazos chega ao seu fin tras 18 días nos que se celebraron 66 actividades de diferentes disciplinas A última xornada, o sábado 27, comezará ás 20:00 horas na praza de San Martiño Pinario cun concerto de Bellón Maceiras Quinteto que se chove será no Teatro Principal. E para pechar a edición deste ano do Festival, os cataláns Atempo Circ presentan o seu espectáculo Atempo, ás 22:30 horas, na praza da Quintana.

O Festival dos Abrazos está chegando ao seu fin nesta edición de 2011. Na penúltima xornada, que será este venres 26, gozaremos dun concerto de Das Kapital. Os galegos ofrecerán a súa música electrónica a partir das 22:00 horas na Zona "C" de Bonaval e, se chove, no Centro Galego de Arte Contemporánea. O sábado día 27 celebrarase a última xornada do Festival cun concerto de Bellón Maceiras Quinteto e o espectáculo circense Atempo Circ.

O alcalde, Xerardo Conde Roa, recibiu en Raxoi unha delegación de UGT Compostela, encabezada polo seu secretario xeral, Antonio García. O tema da xuntanza foi o peche da terminal de carga de Lavacolla ao abandonar a mesma a empresa que a viña explotando.

Os organizadores do Womex (World Music Expo) están estes días en Santiago para coñecer a cidade, que opta a organizar esta feira –a máis importante no ámbito das músicas do mundo- a partir do ano 2014. Un día despois de visitar a Cidade da Cultura, que podería ser un dos espazos centrais da feira, os representantes da mesma foron recibidos en Raxoi polo alcalde compostelán, Xerardo Conde Roa.

O Festival dos Abrazos está celebrando as súas últimas xornadas. Así, xoves 25, os galegos Ultreia ofrecen a súa danza tradicional a partir das 20:00 horas na praza do Toural (se chove será no Teatro Principal) e en Praterías teremos o último Curtocircuíto na Rúa desta edición dos Abrazos: ás 21:15 horas co DJ Amn3m3sis e a partir das 22:30 h proxeccións de Volta ao mundo (se chove, estas dúas actividades trasládanse á Praza de Abastos).

A Concellería de Medio Rural procedeu xa e de maneira urxente á primeira fase de desbroce das cunetas das pistas asfaltadas das parroquias e barrios composteláns. As beneficiadas inicialmente foron as parroquias de Figueiras, Grixoa, Marrozos, Cesar, Laraño e Aríns, así coma o barrio de Sar. Estes traballos estenderanse a partir deste mesmo martes a San Paio e ás parroquias da Peregrina, Santa Cristina de Fecha e A Gracia, ademais dos barrios de Conxo, Vite, Guadalupe e Meixonfrío.

O alcalde compostelán, Xerardo Conde Roa, reuniuse co reitor da Universidade de Santiago, Juan Casares Long, na que foi a primeira visita institucional deste ao Concello dende a toma de posesión da nova Corporación. Alcalde e reitor repasaron algúns dos temas que afectan ao presente e futuro da institución académica.

Na xornada do mércores 24, Gayo-Pinheiro presentan Área de descanso na praza da Oliveira a partir das 20:00 horas (se chove será no Teatro principal) e, ás 22:00 horas, poderemos ver na ruela de Xerusalén Camino a Nahr Al Bared de AMAL. Ademais, Feito a Man chega ao seu fin con Noites en Cervantes: Sons da Cidade Vella, no que poderemos ver, ás 21:00 horas, a Lobalú+Aline Frazão trío+Aquarela do Brasil.