Noticias

A praza do Obradoiro acolleu este mediodía un minuto de silencio polas dúas últimas vítimas da violencia machista: unha muller asasinada en xuño en Málaga, confirmada este mércores, e unha veciña de Cornellà de Llobregat asasinada o pasado 21 de setembro en Southampton (Reino Unido).

A concelleira de Deportes, Esther Pedrosa, participou na presentación da 42ª Carreira Pedestre Popular de Santiago, organizada por El Correo Gallego, que se celebrará o domingo 27 de outubro.

O Grupo de Cidades Patrimonio da Humanidade arrincou a súa nova campaña de promoción internacional en Reino Unido con dúas presentacións ante axentes de viaxes, operadores turísticos e medios de comunicación de Glasgow e Manchester. Estas dúas accións, en colaboración con Madrid Destino, promocionan a oferta patrimonial, cultural e deportiva das 15 cidades españolas cuxos centros históricos foron recoñecidos pola UNESCO como Patrimonio da Humanidade: Alcalá de Henares, Ávila, Baeza,...

O alcalde de Santiago, Xosé Sánchez Bugallo, participou este xoves no acto de apertura da Asemblea Plenaria do Consello de Conferencias Episcopais de Europa, que se celebra ata o 6 de outubro en Compostela baixo o lema "Europa, hora de espertar? Os signos da esperanza". Na súa intervención, o rexedor destacou a importancia do Camiño de Santiago na construción de Europa. Lembrou as visitas dos Papas Xoán Paulo II e Benedito XVI a Compostela e sinalou que espera que se repitan nun futuro na persoa do Papa Francisco.

O alcalde de Santiago, Xosé Sánchez Bugallo, inaugurou no Palacio de Congresos o 70º Congreso da Sociedade Española de Otorrinolaringoloxía e Cirurxía de Cabeza e Pescozo (SEORL-CCC), que se celebra do 3 ao 6 de outubro.

A concelleira de Deportes, Esther Pedrosa, acompañada do presidente da sección de montaña do Club Deportivo Fontiñas, Iñaki Bilbao, e da coordinadora de Unicef Comité Galicia, Irene Marín, presentou este mércores a XVIII edición da Camiñada ao Pedroso, que se celebrara o vindeiro domingo, 6 de outubro, a partir das 10:00 horas. O diñeiro recadado irá para os programas de auga de Unicef.

O alcalde de Santiago, Xosé Sánchez Bugallo, asistiu no Auditorio de Galicia ao acto institucional de imposición de condecoracións con motivo do Día do Corpo Nacional de Policía, que este 2 de outubro celebra o seu patrón, os Santos Anxos Custodios.

Un novo ciclo de Obradoiros da risa dará comezo a vindeira semana nos centros socioculturais do rural. Desenvolveranse durante os meses de outubro e novembro en once parroquias de Compostela, creando un espazo de encontro e de diversión no que descubrir os beneficios da risa na saúde dende unha perspectiva de xénero. A participación é de balde.

A Banda Municipal de Música inicia o seu Ciclo de Outono este vindeiro domingo, 6 de outubro. Durante o último trimestre do ano, baixo o título "En tempo cos ventos", a formación ofrecerá ata 15 concertos, nos que sumará novas colaboracións, actuacións didácticas, galas líricas ou a habitual participación en Cineuropa.

A praza do Obradoiro acolleu este mediodía un minuto de silencio para condenar o último asasinato machista, acontecido este luns en Las Palmas de Gran Canaria.