Noticias

A alcaldesa en funcións, María Rozas, e o presidente da Deputación da Coruña, Valentín González Formoso, asinaron esta mañá na sede da institución provincial o convenio de colaboración para o cofinanciamento dos 242.000 euros que supón o patrocinio da Supercopa de Baloncesto. Esta competición disputarase en Compostela a finais do mes de setembro.

A concelleira de Turismo, Marta Lois, recibiu os/as participantes na peregrinación pola Vía da Prata organizada pola Asociación de Veciños de Marrozos. Tamén participaron no encontro o voceiro popular, Agustín Hernández, e o concelleiro socialista Gonzalo Muíños.

A décima e última xornada da SELIC 2018 vén cargadiña de música, mesas redondas, sesións de contos, premios e poesía. Ás 13:00 horas, aCentral Folque presenta en concerto dous libros-CD’s que afondan na música de tradición oral galega: Mulleres de Gargamala e Maruxa das Cortellas. O primeiro achégase á parroquia mondarizá de Gargamala para coñecer ás súas pandereteiras e cantadeiras, e lembrar o acervo sonoro dese lugar inzado de cantigas para o baile, o...

A praza 8 de Marzo e o Matadoiro acollerán, os días 22 e 23 de xuño, unha chea de actividades de carácter festivo e reivindicativo para celebrar o Orgullo 2018 "e lembrar que somos unha cidade diversa", segundo destacou na rolda de prensa de presentación o evento a concelleira de Igualdade, Marta Lois. A edila estivo acompañada de Xabier Caruncho, de Arelas; Daniela Ferrández, de AmiZando, e Xandre Garrido, de Avante.

Centos de deportistas daranse cita este sábado 9 de xuño en Área Central na cuarta edición do Día do Deporte Solidario, un evento que concentra durante toda a xornada a centos de deportistas dos diferentes clubs e entidades deportivas da cidade e comarca.

A Xunta de Goberno adxudicou este venres o contrato das obras de reurbanización das rúas Castrón Douro e Patio de Madres, unha das actuacións incluídas no programa ReVive Santiago. A actuación custará 1,1 millóns de euros, procedentes de fondos europeos vinculados á EDUSI. Dela encargarase a empresa Alcomte Galicia.

A II Semana do Libro de Compostela retoma este sábado o horario estendido de 11:00 a 21:00 horas. Coa apertura das portas da carpa da Quintana, arranca a sesión do Club de Lectura Aberto arredor de Culpable, o poemario polo que a escritora ordense Eli Ríos gañou o Premio López Abrente de poesía.

Mañá sábado, 9 de xuño, celebrarase a segunda sesión de encontro "Cousas de Conxo contadas polos de Conxo". Unha nova oportunidade para coñecer de primeira man as historias que forman parte da identidade de Conxo, contadas polos seus veciños e veciñas de máis idade. A cita é ás 18:00 horas no Centro Sociocultural "Aurelio Aguirre" de Conxo.

Esta semana celebrouse unha nova xuntanza da Comisión Mixta de seguimento da Ordenanza de Garantía Básica Cidadá Compostela Máis, na que participa persoal técnico e político do Concello. Na xuntanza deuse conta do estado de situación das rendas municipais e das prestacións de rescate social a 1 de xuño deste ano.

O vindeiro xoves 14 de xuño asinarase o acordo para a celebración da Supercopa Endesa 2018 en Santiago de Compostela. Monbus Obradoiro (anfitrión), FC Barcelona Lassa (campión da Copa do Rei), Real Madrid (campión da Euroliga) e Kirolbet Baskonia (clasificado a través da Liga Endesa) competirán polo título no torneo inaugural da próxima temporada 2018-19