Noticias

A concelleira de Benestar Social e Igualdade, Mar Martín, denunciou o "cambio nas regras do xogo" que pretende realizar a Consellería de Sanidade en relación ás unidades de atención a drogrodependentes. Así, lamentou a modificación do tipo de convenio polo que se financia a parte asistencial destas unidades, a minoración das subvencións e a intención do SERGAS de "deixar aos Concellos a responsabilidade destas unidades asistenciais, contrariamente ao fixado no Plan de Saúde Mental de Galicia".

A oficina específica habilitada polo Concello para coordinar todos aqueles aspectos da súa competencia neste Ano Santo atendeu 170 peregrinacións nos meses de marzo, abril, maio e no que vai de xuño. En total, prestaron atención a uns 26.000 peregrinos neste período.

Vén de celebrarse o sorteo das 20 prazas que lle correspondían ao Concello de Santiago na quenda do Campamento Deportivo que a Deputación da Coruña realizará no Colexio Calvo Sotelo da Coruña do 25 ao 31 de xullo. Este sorteo foi necesario ao terse inscrito 36 nenos e nenas para o campamento.

A compositora, cantante, coreógrafa, autora de nova ópera e directora de películas e instalacións Meredith Monk actuará no Auditorio de Galicia co Vocal Ensemble Quartet, dentro do ciclo Sons da Diversidade, organizado pola Concellaría de Cultura. A cita será o sábado 19 de xuño ás 21:00 horas e ás entradas xa están á venda na billeteira electrónica de Caixa Galicia e no despacho de billetes do Auditorio de Galicia. O prezo é de 15 euros, con descontos do 50% para menores de 25 anos e...

O alcalde compostelán, Xosé A. Sánchez Bugallo, participou na asemblea extraordinaria da Comisión do Arco Atlántico da Conferencia de Rexións Periférico-Marítimas e da Conferencia de Cidades do Arco Atlántico, conmemorativas dos seus 20 e 10 anos, respectivamente, de cooperación no espazo atlántico, celebradas en Rennes. Aproveitando esta xornada de traballo, Sánchez Bugallo presidiu, xunto ao alcalde de Rennes, Daniel Delaveau, o acto de irmandamento entre as cidades de Rennes e Santiago de Compostela.

O Consorcio de Santiago e a Fundación Laboral da Construción convocan unha nova edición do Concurso Canteiros no Obradoiro, que premia aos mellores canteiros de lousados. Trátase dunha iniciativa vinculada ao programa A pedra que pisas, de mantemento de lousados históricos de Santiago

Nesta sesión presidida pola concelleira de Urbanismo, Mercedes Rosón, ditaminouse favorablemente a aprobación definitiva do Plan parcial de ordenación do SUNP-8 do Sarela, que será levada ao Pleno ordinario do mes de xuño.

A concelleira de Educación, Mercedes Rosón, participou no acto de presentación da mascota oficial da peregrinación a Santiago, Xubi, aos pequenos do CEIP Raíña Fabiola.

O concelleiro de Promoción Económica, Emprego, Comercio e Turismo, Xosé Manuel Iglesias, asistiu á apertura dos tres Cursos de Formación para o Emprego que lle concedeu a Consellería de Traballo ao Concello de Santiago para 2010. Son Electricista de edificios, Fontanaría e Instalador/a de gas. Contan con 45 prazas, 15 por especialidade. Suman 2.475 horas lectivas e contemplan prácticas en empresas.

O venres 18 de xuño, ás 19:30 horas, no Teatro Principal, celebrarase o concerto de fin de curso da Escola Municipal de Música. Leva como título Unha viaxe moi especial. O Camiño dos sons.