Noticias

O Departamento de Seguridade Viaria da Policía Local pon en marcha unha nova campaña de concienciación, desta vez para informar do uso correcto dos Sistemas de Retención Infantil. O concelleiro de Medio Ambiente e Convivencia, Xan Duro, explicou que "aínda que a inmensa maioría das nais e pais utilizan as cadeiras específicas para levar aos seus fillos e fillas nos vehículos, aínda son moitos os que non as usan do xeito máis acaído" . Na presentación da campaña, o edil estivo acompañado...

Gemma Sesar e Joaquín González Dorao, autora e ilustrador da Guía Ilustrada da Praza de Santiago de Compostela foron os protagonistas do acto central da celebración da campaña Quere o teu mercado en Santiago de Compostela, coa conferencia que impartiron na Aula Gastronómica da Praza de Abastos. A autora compartiu coas persoas asistentes as súas lembranzas e vivencias como asidua usuaria da Praza dende a súa nenez, mentres Joaquín González elaborou en directo unha ilustración do mercado.

A concelleira de Igualdade, Desenvolvemento Económico e Turismo, Marta Lois, e o concelleiro de Medio Ambiente e Convivencia, Xan Duro, achegáronse esta mañá á praza Roxa para visitar o Mercado Eco que estará aberto ata o domingo 28 de maio.

Continúan as festas máis picheleiras cunha chea de actividades para o sábado da Ascensión. Deporte, música, danza e teatro son algunhas das accións previstas para este día de festa na cidade.

A Xunta de Goberno aprobou hoxe as normas de seguridade para a celebración das cacharelas de San Xoán tanto en espazos públicos como privados. Estas normas fanse extensivas á celebración de cacharelas durante todo o mes de xuño, sexa a noite do 23 ou calquera outro día. A celebración das cacharelas/sardiñadas na vía pública está suxeita á corresponde autorización. As que se desenvolvan en terreos de propiedade privada deberán presentar comunicación previa da actividade.

O alcalde recibiu hoxe no Pazo de Raxoi a Ignacio Ramonet e Ramón Chao, dous grandes nomes do xornalismo nacidos en Galicia e asentados en Francia. Na xuntanza con Martiño Noriega tamén participaron a muller e o fillo de Chao, e o xornalista Moncho Paz.

Este venres continúan as festas máis picheleiras do ano cunha ampla e variada oferta de actividades para todos os públicos que comezará ás 18:00 horas e rematará ben entrada a madrugada.

O Concello de Santiago, en colaboración coas principais asociacións do sector hostaleiro, pon en marcha unha campaña para mitigar os ruídos que se producen na rúa en torno aos locais de ocio nocturno e favorecer o descanso da veciñanza. O alcalde, Martiño Noriega, presentou hoxe a iniciativa, que leva por lema "Fala baixiño", e que arranca coincidindo coas festas da Ascensión. Na rolda de prensa tamén participaron o xerente de Hostalería Compostela, Ramón García; a secretaria da sección...

A concelleira de Igualdade, Desenvolvemento Económico e Turismo, Marta Lois, deu a coñecer esta mañá a plataforma online para visitar a exposición O comercio, emblema dunha cidade, que estivo dispoñible no Centro Abanca Obra Social do 13 de outubro ata o 4 de decembro de 2016. Na rolda estivo o fotógrafo encargado da exposición, Afonso Sestelo.

A compañía Chévere volve a Compostela para celebrar o seu trinta aniversario cunha coprodución co Concello de Santiago. Chévere 3.0 foi presentado hoxe, nun acto celebrado na terraza do Pazo de Bendaña ao que asistiu o alcalde, Martiño Noriega. Este lembrou a traxectoria da compañía, Premio Nacional de Teatro en 2014, e recoñeceu que "a cidade tiña unha débeda pendente con Chévere, polo que o reencontro será un pracer para as dúas partes".