Noticias

Alcalá de Henares e Santiago de Compostela, ambas integrantes do Grupo de Cidades Patrimonio da Humanidade de España, foron os destinos elixidos por un grupo de axentes de turismo e xornalistas filipinos para o inicio e escala final dun percorrido cultural por España.

O martes 21 de xuño celébrase o Día Europeo da Música. O evento central do mesmo terá lugar na praza do Toural a partir das 19:45 horas, coincidindo con diferentes actuacións das escolas de música participantes. O alcalde e a concelleira de Educación en funcións participarán no acto.

As xornadas Que ves cando me ves? (www.quevescandomeves.org) propoñen para esta semana dúas mesas de diálogo que pretenden dotar de rigor as ideas e cuestións relacionadas coa análise da diferenza de xénero como categoría.

A praza Roxa de Santiago acolleu, baixo o lema rescatado do maio do 68, "A beleza está na rúa", diferentes actividades cun eixo común: impulsar a visibilidade da muller na produción cultural galega e implicar aos cidadáns e cidadás. A xornada insírese no programa Que ves cando me ves? (www.quevescandomeves.org).

Unha vez rematadas as obras de construción do novo edificio do Museo de Historia Natural, o Consorcio de Santiago e a Universidade asinan o acordo polo cal o Consorcio de Santiago, propietario do inmoble, cédelle o seu uso á Universidade, para o seu funcionamento como Museo de Historia Natural. O Consorcio de Santiago asumiu a financiación e construción do novo edificio, que supuxo unha inversión total de 3.909.280 euros.

O alcalde en funcións, Xosé A. Sánchez Bugallo, expresou a súa satisfacción polos datos de maio do aeroporto de Lavacolla, feitos públicos por AENA. Polo aeródromo compostelán pasaron durante este mes 212.364 pasaxeiros, situando nun 53,29% a cota de mercado no sistema aeroportuario galego e marcando un crecemento do 25,9% respecto ao mesmo período do ano anterior.

Haberá estampación de serigrafías e gravados, contacontos, instalación, performance, stands con publicacións e un micrófono aberto á participación do público, ademais da "Muller Express".

A pianista, que vive en Compostela desde o ano 2009, interpretará pezas de Claude Debussy e Frédèric Chopin. O concerto, no que estará acompañada dun quinteto de corda, comezará ás 21.00h e ten unha duración aproximada de unha hora e corenta minutos.

O alcalde compostelán en funcións, Xosé A. Sánchez Bugallo, recibiu en Raxoi á xunta directiva da Asociación de Empresarios de Aluguer de Grúas de Servizo Público.

Coincidindo coa chegada do verán, o 21 de xuño celébrase unha nova edición do Día Europeo da Música. Con tal motivo, as escolas municipais da cidade saen á rúa para amosar o seu traballo a través dun amplo programa de actividades musicais do 20 ao 25 de xuño.