Noticias

A Concellaría de Acción Cultural colabora con Amigos da Ópera na programación do Maio Lírico 2016, que esta asociación organiza para conmemorar o Día Europeo da Ópera. En total, serán tres actividades, todas elas de entrada libre: a IV Gala Lírica dos Conservatorios de Galicia; un concerto da Banda Municipal coa soprano Teresa Novoa; e Dido e Eneas, de Henry Purcell, primeira ópera que presenta a asociación e que se fai en colaboración coa ESMAE de Oporto.

A Concellaría de Educación e Cidadanía comunica que a Comisión de Baremación e Selección, na súa sesión do 3 de maio de 2016 , elaborou a proposta inicial e acordou facer pública as listaxes provisionais de admitidos, excluídos e listaxes de agarda das escolas infantís municipais de Conxo, das Fontiñas e Meixonfrío-Salgueiriños para o curso 2016-2017.

O alcalde de Santiago, Martiño Noriega, recibiu a Andrés Pérez, da Compostela Band, antes de que partan cara Poza de la Sal (Burgos), onde participarán o vindeiro 7 de maio no IV Festival Nacional de Charangas.

A Mancomunidade da Comarca de Compostela volve explorar vías de colaboración entre os sete concellos membros, despois de máis de catro anos sen celebrarse ningunha reunión do seu plenario. Na primeira xuntanza formal nesta nova etapa do órgano, esta mañá no Pazo de Raxoi, acordouse a constitución de tres comisións de traballo que, explicou o presidente da Mancomunidade e alcalde de Santiago, "faciliten que a entidade teña un funcionamento por obxectivos, sen xerar falsas expectativas, e con reunións do plenario...

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. Ao longo do ano ofrécese a posibilidade de asistir a unha serie de clases maxistrais que imparten solistas de prestixio internacional. O recoñecido violinista polaco Tomasz Tomaszewski formará neste instrumento tanto aos estudantes da escola como a alumnos externos interesados en perfeccionar a súa interpretación co violín.

A concelleira de Políticas Sociais, Concha Fernández, mantivo unha xuntanza esta tarde cos grupos da oposición en Raxoi para presentarlle a proposta de ordenanza de garantía básica cidadá do Goberno local, que leva por nome "Compostela +".

O Concello de Santiago, a través dos departamentos de Lingua e de Educación, colabora co Proxecto Regueifesta, unha iniciativa que quere poñer en valor a regueifa como método de normalización lingüística e desenvolvemento persoal e social. O proxecto está impulsado polos equipos de normalización lingüística dos IES Marcos do Camballón, de Vila de Cruces, e Maximino Romero, de Baio. O seu alumnado visitará mañá Compostela, dentro do encontro que están a manter cos estudantes dun...

Este mércores 4 de maio dan comezo as Festas da Ascensión, as da cidade por excelencia, que encherán Compostela de actividades e concertos ata o vindeiro domingo día 8.

O alcalde de Santiago, Martiño Noriega, recibiu o xefe superior de Policía de Galicia, Manuel Vázquez López. Acudiu acompañado do comisario do Corpo Nacional de Policía de Santiago, Simón Sabariz.

A concelleira de Igualdade, Desenvolvemento Económico e Turismo, Marta Lois, presentou a estrea do documental Sons do Mercado, sobre o mercado de Salgueiriños, que terá lugar este martes, ás 20:30 horas, no Teatro Principal. Marta Lois estivo acompañada do director da película, Marcos Nine, e do autor da banda sonora, Alejandro Vargas.