Noticias

A praza do Obradoiro será o lugar central da XX edición do Maratón Urbano de Special Olympics, que reunirá na popular localización compostelá a preto de 300 persoas. O evento foi presentado esta mañá pola concelleira de Deporte, Noa Morales; o presidente de Special Olympics Galicia, Eladio Fernández; o xerente de Aspas, Javier García, e ao atleta Jesús Cabo.

A concelleira de Deporte, Noa Morales, presentou esta mañá o Circuíto Trail Galaica 2018 Santiago - Monte Pedroso, que reunirá a centos de persoas este domingo na Granxa do Xesto. Na rolda estivo acompañada de Iván Sanmartín, delegado da Federación Galega de Atletismo en Compostela; Ricardo Senda, representante de Imaxson, e Miguel Anxo Nogueira, do club Noitebra.

Tralo éxito acadado polos vermús musicais na zona vella durante as festas do Apóstolo, os concertos volven á praza de Cervantes este mes. Todos os sábados de xuño, ás 13:00 horas, a veciñanza de Compostela poderá desfrutar dun variado programa musical que encherá de ritmo e gañas de festa as fins de semana.

Este xoves, a carpa literaria da Quintana volverá abrir as súas portas ás 17:00 horas para tentar á veciñanza e aos/ás visitantes de Compostela coas novidades editoriais galegas e con múltiples actividades paralelas que transcenden o modelo tradicional de feira. Nesta sétima xornada, a Mesa pola Normalización Lingüística chega ao Espazo Efémero da SELIC para dar a coñecer as súas publicacións, iniciativas e proxectos na a promoción e defensa do uso do galego.

O Auditorio de Galicia acolle mañá xoves a II Gala pola Seguridade Viaria, impulsada polo Departamento de Educación Viaria da Policía Local. Máis de 500 alumnos e alumnas de 4º de Primaria dos centros escolares de Santiago asistirán á festa, que pecha o programa de formación no que participaron uns mil rapaces e rapazas ao longo do curso.

A praza do Obradoiro acolleu un minuto de silencio para condenar o último asasinato machista, que deixou este luns unha vítima en Albacete.

O concelleiro de Educación e Cidadanía, Manuel Dios, deu conta hoxe das actuacións en materia de mantemento que o Concello levará a cabo durante este verán en todos os centros públicos de Santiago e que ascenden a 313.357 euros. Trátase de arranxos demandados polos equipos directivos dos centros, tras trasladarllo ao departamento que dirixe Manuel Dios.

A concelleira de Acción Cultural, Branca Novoneyra, presentou esta mañá en rolda de prensa a colección de contos Liñas Paralelas, que este ano pasa a engrosar o catálogo de publicacións editadas baixo o selo SELIC. Fíxoo na compaña do escritor, actor e tradutor Pepe Sendón, responsable da iniciativa de espallamento literario da que a colección toma o seu nome.

O proxecto europeo Smarter Together, do que forma parte Santiago como cidade seguidora, celebra hoxe e mañá en Compostela unhas xornadas de traballo para analizar as actuacións que se veñen desenvolvendo nos últimos meses. Os/as participantes na xuntanza foron recibidos/as este mediodía no Pazo de Raxoi.

Xa se coñecen as listaxes de admitidos/as e de agarda nos obradoiros de verán das escolas infantís municipais de Conxo, As Fontiñas e Meixonfrío-Salgueiriños. Ábrese agora, do 1 ao 15 de xuño, o prazo para formalizar a aceptación da praza.