CONSORCIO
A voz de Santiago Auserón soará coa Real Filharmonía de Galicia
A Real Filharmonía de Galicia poñeralle música á voz do cantante e compositor zaragozano Santiago Auserón. Será nun concerto conxunto que se celebrará o próximo 15 de xuño en Santiago de Compostela. A cita terá lugar na sede da orquestra, o Auditorio de Galicia, baixo a dirección do mestre Ricardo Caseiro.
ALCALDÍA
O alcalde sumouse aos actos de celebración do Día Internacional do Pobo Xitano
O alcalde de Santiago, Martiño Noriega, clausurou no Centro Sociocultural de Fontiñas os actos de celebración do Día internacional do Pobo Xitano. A concelleira de Políticas Sociais, Concha Fernández, participara previamente na inauguración.
CONSORCIO
A Casa do Cabido reúne 50 fotografías de Xurxo Lobato en homenaxe a Rosalía
O alcalde de Santiago, Martiño Noriega, presidiu o acto de inauguración de Airiños Aires, Rosalía, unha exposición de instantáneas na que o fotógrafo galego Xurxo Lobato rende homenaxe a Rosalía de Castro. A mostra, coa que colabora o Consorcio de Santiago, exhíbese na Casa do Cabido, na Praza das Praterías.
ALCALDÍA
O alcalde reitera a vontade de modificar a ordenanza de vaos e insiste en que non se están a enviar requirimentos masivos ás comunidades de propietarios
O alcalde de Santiago, Martiño Noriega, aproveitou a rolda de prensa da Xunta de Goberno para reiterar o compromiso municipal, ratificado en pleno por unanimidade da Corporación, de modificar a Ordenanza reguladora de actividades, instalacións e ocupacións da vía pública no que ten que ver cos vaos da cidade. En calquera caso, ata dispor da normativa modificada e no marco legal actual, indicou que a vontade segue a ser a de non facer requirimentos masivos de reparación, senón unicamente nos casos nos que conste denuncia a través...
ESPAZOS CIDADÁNS E DEREITO Á VIVENDA
Axudas do programa de rehabilitación de vivendas nos Camiños de Santiago
O luns 4 de abril publicouse no Diario Oficial de Galicia a resolución pola que se convocan as subvencións para actuacións de rehabilitación de edificios e vivendas no ámbito da ARI dos Camiños de Santiago, no marco do Plan Estatal de Vivenda 2013-2016.
PATRIMONIO
O Grupo de Cidades Patrimonio convoca un certame para elixir un cartel sobre protección medioambiental das 15 cidades da rede
O Grupo Cidades Patrimonio da Humanidade de España, a través da súa Comisión de Patrimonio, vén de convocar un concurso co fin de seleccionar un cartel sobre a necesidade de protección do medio ambiente nos centros históricos das 15 cidades que forman a rede: Alcalá de Henares, Ávila, Baeza, Cáceres, Córdoba, Cuenca, Ibiza/Eivissa, Mérida, Salamanca, San Cristóbal de la Laguna, Santiago de Compostela, Segovia, Tarragona, Toledo e Úbeda.
POLÍTICAS SOCIAIS
O programa municipal de atención ás persoas sen teito realizou máis de 200 intervencións dende novembro a marzo
A concelleira de Políticas Sociais, Concha Fernández, e o concelleiro de Convivencia, Xan Duro, deron conta en rolda de prensa das actuacións levadas a cabo polo Concello de Santiago, en colaboración con Cruz Vermella e FEAFES, na atención ás persoas sen teito da cidade.
DEPORTE
Todo listo para a terceira edición da MediaSan do Camiño
O vindeiro domingo, 10 de abril, Compostela acollerá a III MediaSan do Camiño, que transcorrerá no último tramo do Camiño entre Arca- Pedrouzo (O Pino) e a praza do Obradoiro. A proba, cunha distancia de pouco máis de 21 quilómetros, comezará ás 10:00 horas.
ALCALDÍA E EDUCACIÓN
Recepción ao alumnado do Colexio Misioneras de la Providencia (Salamanca) e do IES Eduardo Pondal (Santiago)
O alcalde de Santiago, Martiño Noriega, acompañado polo concelleiro de Educación, Manuel Dios, e outros membros da Corporación, recibiu os alumnos e alumnas de 3º da ESO do Colexio Misioneras de la Providencia, de Salamanca e do IES Eduardo Pondal, de Santiago.
ACCIÓN CULTURAL
A Concellaría de Acción Cultural pon en marcha as subvencións de apoio a actividades culturais para este 2016
A concelleira de Acción Cultural, Branca Novoneyra, presentou esta mañá as bases reguladoras da convocatoria aberta de subvencións a actividades culturais no 2016, tanto en metálico como en especie. O venres 15 de abril haberá unha xuntanza aberta a todas as persoas do sector que queiran aclarar calquera tipo de dúbida arredor desta convocatoria. Será ás 12:30 horas na Sala Circular do Auditorio de Galicia.
