URBANISMO
Novos usos dotacionais no SUNP-31 de San Marcos
A Xunta de Goberno deu o visto bo inicial á modificación puntual do Plan parcial do solo urbanizable non programado número 31 (SUNP-31) de San Marcos. Este cambio reduce a primacía do uso hoteleiro e ofrece un máis amplo abano de posibilidades para actividades de carácter terciario e rotacional.
XUNTA DE GOBERNO
Melloras no carril de servizo entre a rotonda da avenida de Lugo e o acceso a Fontiñas
O Goberno local adxudicou as obras de ampliación do acondicionamento do carril de servizo na N-550 (PK-61.995 a PK-62.940). Trátase do carril que transcorre entre a rotonda da avenida de Lugo e o acceso a Fontiñas dende o Periférico.
EDUCACIÓN
A Escola Infantil de Conxo pecha durante o mes de agosto
O Goberno municipal autorizou o peche durante o mes de agosto da Escola Infantil Municipal de Conxo, dándose o servizo ás familias que o demandan na Escola Infantil Municipal das Fontiñas.
MOCIDADE
O certame "Músicaxove’08" prepara os seus concertos finais
A Xunta de Goberno aprobou un orzamento de 7.168 euros para os concertos finais do certame "Músicaxove`08, de grupos musicais dos locais municipais de música para a mocidade de Compostela.
PROMOCIÓN ECONÓMICA
Santiago reforzou en Bahía a súa imaxe como destino turístico e económico
O concelleiro de Promoción Económica, Emprego, Comercio e Turismo, Xosé Manuel Iglesias, valorou en rolda de prensa os resultados da visita ao Estado brasileiro de Salvador de Bahía, que tivo lugar entre o 1 e 6 de xuño, e na que participaron representantes da USC e do sector empresarial da cidade, coa colaboración do touroperador galego Costas Galicia.
TURISMO
Vinte e sete establecementos inscritos no concurso de "Santiago(é)Tapas"
O I Concurso Santiago(é)Tapas conta xa con 27 inscritos. O prazo de inscrición no certame, que se celebrará entre o 28 de xuño e o 13 de xullo, abriuse o 28 de maio e rematará o domingo 15 de xuño.
DEPORTES
Villestro non faltou á súa cita anual co deporte
A parroquia de Villestro viviu un ano máis un día dedicado ao deporte e ao lecer. A Romaría do Deporte chegou xa á súa XIII edición, cunha xornada repleta de actividades para todas as idades. O alcalde compostelán, Xosé A. Sánchez Bugallo, asistiu ao evento, celebrado no campo de fútbol da Barrosa.
ALCALDÍA
O Plan Estratéxico e o PXOM marcarán conxuntamente a evolución da cidade no período 2008-2020
O alcalde compostelán, Xosé A. Sánchez Bugallo, referiuse na súa habitual rolda de prensa dos venres ao Plan Estratéxico, que entra na súa recta final. O obxectivo é que tanto o Plan como o PXOM estean en execución á volta do verán, co fin de que marquen a evolución da cidade nun período de 12 anos, entre 2008 e 2020.
EDUCACIÓN
A Rede de Cidades Educadoras pon en valor o patrimonio como elemento educativo
Unha das redes temáticas da Rede Española de Cidades Educadoras reuniuse en Santiago para falar sobre o valor do patrimonio como elemento na educación. Baixo a coordinación de Barcelona, 24 cidades españolas, entre elas Santiago, participan na área de traballo "Cidade, educación e valores patrimoniais. A cidade educadora, un espazo para aprender e ser cidadáns. Aprender en, de e para a cidade".
EDUCACIÓN
Cento cincuenta alumnas de cinco centros escolares bailarán nunha nova edición de "Compostela en Danza"
O Auditorio de Galicia acollerá o domingo 8 de xuño, ás 20:00 horas, a terceira edición do Certame de Danza Intercentros "Compostela en Danza". Será a oportunidade de contemplar ata 17 coreografías realizadas por 150 alumnas de cinco centros de ensino da cidade.