Noticias

A concelleira de Economía, Comercio, Turismo e Mercados, Reyes Leis, e a xerente de Incolsa, Maruxa Ledo, recibiron a un grupo de xornalistas chinos que están visitando a cidade dentro dun presstrip ou viaxe de xornalistas no que participa a empresa municipal de promoción turística co obxecto de dar a coñecer a nosa cidade no mercado chino, un dos mercados do mundo cun maior potencial de crecemento turístico nos próximos anos.

Baixo o lema "Queres ser solidario?", a iniciativa presentada en rolda de prensa polo concelleiro de Centros Socioculturais, Francisco Noya, pon en relación as horas de estudo dos rapaces e rapazas que participan coas empresas e patrocinadores que financian o proxecto e por último, cos programas de axuda que se impulsan con esta campaña. Poderase participar entre o 5 de novembro e o 5 de decembro.

O concelleiro de Cultura, Ángel Currás, e o cantante e compositor de Maldita Nerea, Jorge Ruíz, presentaron en rolda de prensa o concerto que o grupo murciano ofrecerá en Santiago o vindeiro venres 2 de decembro. A cita será ás 21 horas no Multiúsos Fontes do Sar e contará coa actuación como pregoneiros de Funambulista e Lagarto Amarillo.

O alcalde compostelán, Xerardo Conde Roa, asistiu na praza do Toural á representación dunha obra posta en marcha pola Fundación Anade, protagonizada por persoas con discapacidade ou enfermidade mental.

O concelleiro de Deportes, Adrián Varela, acompañado polo presidente da Federación Galega de Natación, Carlos Touriño, presentou os actos que terán lugar este venres 28 de outubro e o sábado 29 con motivo da chegada a Santiago de Compostela tras realizar o Camiño da selección española de natación sincronizada. Un dos actos máis importantes terá lugar o sábado a partir das 10.00 no Auditorio de Galicia, onde as nadadoras manterán unha charla con todos os rapaces e rapazas de Compostela que...

A I Feira Internacional de Emprego (FÍE) acollerá durante a súa celebración os próximos días 3 e 4 de novembro as xornadas ‘Os novos mercados de traballo e as estratexias innovadoras para a busca de emprego’, cun completo programa de conferencias e obradoiros impartidos por profesionais procedentes de diversos ámbitos.

O Pleno da Corporación, reunido en sesión ordinaria, debatiu sobre política fiscal e tamén procedeu a dar conta do informe de estabilidade orzamentaria no que foi un dos asuntos máis relevantes dos tratados nesta última xuntanza.

O alcalde compostelán, Xerardo Conde Roa, foi o encargado de entregar o galardón nun acto que tivo lugar no Pazo de Raxoi. A convocatoria das catro edicións do Premio tivo unha grande aceptación, presentáronse máis de 1.274 traballos.

O rexedor compostelán, Xerardo Conde Roa, inaugurou as xornadas aeroportuarias que organizan conxuntamente o Concello e a Cámara de Comercio e que teñen por obxectivo coñecer o funcionamento do sistema aeroportuario galego e, especialmente, as novas potencialidades do aeroporto de Lavacolla, trala entrada en funcionamento a pasada semana da nova terminal. As conferencias están dirixidas aos empresarios de Compostela e comarca e ao público en xeral.

O alcalde compostelán, Xerardo Conde Roa, quixo aclarar en rolda de prensa algunhas cuestións relativas ao proxecto de recuperación da Finca do Espiño e sinalou a importancia de desbloquear un asunto que levaba dez anos paralizado.