Noticias

Unha delegación da Embaixada de Xapón foi recibida en Raxoi polos concelleiros de Turismo, Reyes Leis, e de Cultura, Ángel Currás. Os representantes nipóns explicáronlle aos concelleiros o programa con motivo dos 400 anos de relacións bilaterais entre España e Xapón.

Cando aínda non se cumpriron tres meses dende a súa apertura ao público, a exposición Compostella dicitur. A cidade da catedral xa recibiu máis de 10.000 visitas. Así, o edificio barroco da Casa do Cabildo, restaurado polo Consorcio de Santiago durante o ano 2011, estase a converter nun dos centros culturais preferidos para os veciños e os visitantes que recibe a cidade. A boa impresión dos que se achegaron queda reflectida no libro de visitas instalado nos baixos do edificio.

A Concellería de Economía abre o prazo de inscrición para o curso Solucións negociadas a conflitos e dilemas, acción formativa que se integra dentro do programa Santiago Investors Support, que se presentou o venres 23 ás dez entidades empresariais que colaboran no programa. A inscrición pode facerse a través da páxina www.maiscompostela.org.

Séguense incorporando novos puntos de venda de entradas para o I Freestyle Speed Style de Santiago de Compostela, que se celebrará no Monte do Gozo o 17 de maio. Na cidade, os billetes poden obterse no quiosco da praza de Galicia, no estadio de San Lázaro e a través do Autos Lobelle de Santiago F.S, que colabora activamente neste evento.

O mércores 28 e o xoves 29 de marzo realizaranse no Centro Sociocultural das Fontiñas dúas xornadas de avaliación densitométrica ósea. Estas sesións, que serán totalmente gratuítas, compleméntanse cunha charla orientativa sobre a osteoporose.

O concelleiro de Cultura, Ángel Currás, e o director-xerente do Auditorio de Galicia, José Víctor Carou, presentaron o programa musical Semana Santa 2012, que engloba nove concertos que se celebrarán na igrexa da Universidade, agás un que será no Auditorio de Galicia. O programa de concertos, que se celebra do 4 ao 8 de abril, presenta unha ampla variedade musical, indo dende a época medieval ata o Barroco, con algunha incursión no Romanticismo e no século XX. Todos os músicos teñen vinculación...

Raquel Bonilla, xogadora do Arteal Tenis de Mesa, foi recibida en Raxoi polo alcalde compostelán, Xerardo Conde Roa, e o concelleiro de Deportes, Adrián Varela.

O Concello de Santiago en colaboración co Blusens Monbus, pon a disposición de todos os afeccionados autobuses gratuítos de ida e volta o mesmo día do partido para asistir ao partido ante o Fuenlabrada, que se xogará o sábado 31 de marzo ás 18:00 horas (Teledeporte).

En 2010, toda unha lenda do rock como Mark Lanegan pisaba por primeira vez Galicia para participar no ciclo Xacobeo Importa. Tras aquel espectacular show en acústico, en 2012 o señor Lanegan publica novo disco, Blues funeral, o seu primeiro traballo en oito anos tras Bublegum (2004), e prepara unha xira europea que pasará polas principais capitais e que o traerá de novo a Galicia, nesta ocasión dentro do ciclo Compostela Rock. Á cita, que promete ofrecer unha noite memorable, vén acompañado de toda a súa banda.

O alcalde compostelán, Xerardo Conde Roa, reuniuse coa Asociación de Veciños Amigos de San Pedro.