Noticias

Comeza TerraZeando, a sexta edición de ciclo de concertos ao fresco, que por mor da chuvia cambia a ubicación da Finca do Espiño a Sala Sónar. Será mañá xoves 29 de xuño ás 21.00h con entrada de balde.

Os CEIPS Raíña Fabiola e das Fontiñas acollen dende o pasado luns as actividades do programa de conciliación de verán que este ano leva por nome "Multiaventura en Compostela".

Hoxe martes celebrarase un novo encontro AO VIVO, convocado polo goberno local para render contas diante da cidadanía e para recoller as súas queixas e suxestións. Á xuntanza están convocados os veciños e veciñas da área da cidade histórica, que inclúe a Zona Vella-Intramuros, Castrón Douro, San Lourenzo e Galeras. A cita será ás 20.00 no Mercado de Abastos.

O alcalde e o concelleiro de Medio Ambiente e Convivencia visitaron hoxe a illa de compostaxe instalada no barrio de Galeras, dentro do proxecto piloto que tamén levou os composteiros a Santa Marta e Salgueiriños. Martiño Noriega e Xan Duro estiveron acompañados polo responsable de Parques e Xardíns, Gregorio López Albardonedo, e polo presidente da Asociación de Veciños de Galeras, José Manuel González.

Comeza o verán e con el continúan as actividades programadas no Centro de Interpretación Ambiental de Compostela.

O concelleiro de Educación e Cidadanía, Manuel Dios, deu conta esta mañá das obras que dende o departamento se van acometer durante os meses de xullo e agosto nos centros públicos dependentes do Concello. En total estímase un investimento que superará os 300.000 euros.

O alcalde, Martiño Noriega, e os concelleiros e concelleiras do Goberno local mantiveron hoxe un novo Encontro AO VIVO coa veciñanza, desta vez coa da área da Cidade Histórica. Maís de 70 persoas asistiron á reunión, que tivo lugar na Nave 5 da Praza de Abastos.

Santiago, xunto a outros concellos do Estado como Valencia, Murcia, Oviedo, Bilbao, Valladolid, Salamanca, Santander, Zaragoza, Toledo e Torrelodones, súmase a esta acción de sensibilización que se realiza hoxe, 26 de xuño, no Día Mundial contra as Drogas.

A Praza do Obradoiro volveu acoller unha concentración polas últimas vítimas de violencia machista, dúas mulleres que foron asasinadas esta fin de semana en Salou (Tarragona) e Sevilla.

O alcalde, Martiño Noriega, presidiu este mediodía a recepción aos profesores e profesoras dos centros de Educación Infantil e Primaria que se xubilan ou xubilaron ao longo deste ano. No acto tamén participou o concelleiro de Educación, Manuel Dios, así como representantes de todos os grupos da corporación.