Noticias

A concelleira de Medio Ambiente, María Castelao, entregou os premios aos gañadores do IV Concurso de Balcóns, convocado polas concellarías de Medio Ambiente e de Urbanismo e que, neste edición, abríase por primeira vez a todo o termo municipal. O xurado e o público elixiron os mellores balcóns do Casco Histórico, do resto do municipio e tamén dos establecementos hostaleiros.

Como en cada edición das Festas do Apóstolo, celebrouse o Día de Padrón en Santiago, do mesmo xeito que na Pascua padronesa se conmemora anualmente o Día de Santiago. Foi unha nova oportunidade para afirmar os lazos que unen a estas dúas vilas.

A concelleira de Urbanismo, María Pardo, compareceu en rolda para informar sobre a finca do Espiño. Ademais de explicar a tramitación do proxecto, anunciou que a recuperación da finca como parque público e o arranxo do palacete serán os primeiros proxectos que se liciten tras a aprobación dos novos orzamentos.

A primeira sesión dos concertos Quintana de Vivos, organizados polos catro establecementos hostaleiros da Quintana, levou ata a praza a Xosé Manuel Budiño e os seus convidados. Xuntos agasallaron ao público con varias horas de boa música.

O alcalde compostelán, Ángel Currás, recibiu en Raxoi o profesor Paolo Caucci, director da Cátedra de Estudos Xacobeos da Universidade de Perugia.

O alcalde compostelán, Ángel Currás, gozou dunha xornada de xogos populares na Casa das Asociacións de Cornes xunto con 80 nenos da cidade poñendo a proba a súa destreza coa chave ou a petanca grazas ao programa Vive o verán 2012.

Seguen as actividades do programa Vive o verán 2012. O domingo 29 de xullo, na Granxa do Xesto, a partir das 10:00 horas, celebrarase unha ruta en bicicleta de montaña polo Pedroso.